உலக மருத்துவ தரவரிசைப் பட்டியலில் இந்தியா 154-ஆவது இடத்தை வகிக்கிறது. இந்தப் பட்டியலில் சீனா, வங்கதேசம், நேபாளம், பூடான், இலங்கை ஆகிய நாடுகளைவிட இந்தியா பின்தங்கியுள்ளது குறிப்பிடத்தக்கது.
சர்வதேச மருத்துவ இதழான "தி லான்ùஸட்', மருத்துவ சேவைகள் குறித்து 195 நாடுகளில் ஆய்வு மேற்கொண்ட ஆய்வின் அடிப்படையில் தரவரிசைப் பட்டியலை வெளியிட்டுள்ளது.
இந்தப் பட்டியலில் இந்தியாவுக்கு 154-ஆவது இடம் வழங்கப்பட்டுள்ளது. எனினும், சீனா, இலங்கை, வங்கதேசம், பூடான், நேபாளம் ஆகிய நாடுகள், மருத்துவ சேவையில் இந்தியாவைவிட அதிக புள்ளிகள் பெற்று முன்னிலை வகிக்கின்கின்றன.
இந்தியாவில் காச நோய், நீரிழிவு நோய், சிறுநீரக பாதிப்பு, இருதய நோய் ஆகியவற்றுக்கு எதிராக வழங்கப்படும் மருத்துவ சேவைகள் போதுமானதாக இல்லை என்று அந்த ஆய்வறிக்கை தெரிவிக்கிறது.
மேலும், மருத்துவ சேவையில் பின்தங்கியுள்ள ஆசிய நாடுகளில் ஒன்றாக இந்தியா விளங்குவதாக அந்த ஆய்வறிக்கையில் கூறப்பட்டுள்ளது.
எனினும், சரியான சிகிச்சை மூலம் தவிர்க்கக் கூடிய மரணங்களின் எண்ணிக்கை அடிப்படையிலான தரவரிசையில், இந்தியா கடந்த 1990-ஆம் ஆண்டு பெற்றதைவிட 14.1 புள்ளிகள் கூடுதலாகப் பெற்று முன்னேறியுள்ளது.
சர்வதேச மருத்துவ சேவைத் தர வரிசையில் ஸ்விட்சர்லாந்து முதலிடத்தையும், ஸ்வீடன் மற்றும் நார்வே ஆகிய நாடுகள் முறையே இரண்டு மற்றும் மூன்றாவது இடங்களையும் வகிக்கின்றன. இந்தப் பட்டியலில் சீனாவுக்கு 82-ஆவது இடமும், இலங்கைக்கு 73-ஆவது இடமும் கிடைத்துள்ளன.