ஹிமாசலப் பிரதேச மாநிலத்தின் இளம் வயது முதல்வர் ஜெய்ராம் தாக்குர் என்று பாஜக கூறுவதற்கு மூத்த காங்கிரஸ் எம்எல்ஏ ஆஷா குமாரி மறுப்பு தெரிவித்துள்ளார்.
ஹிமாசலப் பிரதேச சட்டப் பேரவையில், அவர் மேலும் கூறியதாவது:
ஜெய்ராம் தாக்குரின் வயது 53. ஒய்.எஸ்.பார்மர் முதல்வராகப் பொறுப்பேற்றபோது அவருக்கு வயது 45. ராம் லால் 48 வயதில் முதல்வரானார். சாந்தகுமார் முதல்வராகும்போது வயது 42 தான். வீரபத்ர சிங் 49-ஆவது வயதிலும், பிரேம் குமார் துமல் 53-ஆவது வயதிலும் முதல்வரானார்கள். எனவே, இந்த மாநிலத்தின் இளம் வயது முதல்வர் ஜெய்ராம் தாக்குர் என்று பாஜக பெருமிதத்துடன் கூறுவது தவறாகும்.
பதவியேற்பு விழாவில் ஆளுநரின் உரை, ஹிந்தியில் இருந்து ஆங்கிலத்துக்கு சரியாக மொழிபெயர்க்கப்படவில்லை என்று ஆஷா குமாரி கூறினார்.