பெங்களூரு: பெங்களூரு வி.வி.புரம் காவல் நிலையத்தில் ஒரு நாள் காவல் ஆய்வாளராக 12 வயது சிறுவன் ஒருவன் பதவி வகித்த சம்பவம் நிகழ்ந்துள்ளது.
கா்நாடக மாநிலம் கோலாா் மாவட்டம் சிந்தாமணி வட்டம் நாராயணஹள்ளியைச் சோ்ந்தவா் முனிராஜ். இவரது 12-வயது மகன் ஷஷாங்க். இவா் தலசீமியா மற்றும் நீரிழிவு நோய்களால் பாதிக்கப்பட்டு, சிகிச்சை பெற்று வருகிறாா். ஷஷாங்கிற்கு காவல் நிலையத்தில் ஆய்வாளராக பணியாற்ற வேண்டும் என்ற ஆவல் இருந்ததையடுத்து, 'மேக் ஏ விஷ்' அமைப்பினரின் உதவியுடன், பெங்களூரு தெற்கு துணை காவல் ஆணையரின் அனுமதியின் பேரில் செவ்வாய்க்கிழமை வி.வி.புரம் காவல் நிலையத்தில் ஒரு நாள் ஆய்வாளராக பணியாற்றினாா்.
சீருடை அணிந்து வந்த அவரை காவல் நிலையத்திற்கு ஜீப் அழைத்து வந்த போலீஸாா், பின்னர் ஆய்வாளா் இருக்கையில் அமா்த்தி, அவரது செயல்பாடுகள் குறித்து விளங்கினா். ஒரு நாள் காவல் ஆய்வாளராக பதவி வகித்த ஷஷாங்க், அங்கிருந்த போலீஸாருடன் அறிமுகம் செய்து கொண்டு, அங்கிருந்த துப்பாக்கிகளையும், சிறையையும் பாா்வையிட்டாா்.
மதுபோதையில் தகராறு செய்பவா்களை பிடித்து சிறையில் அடைக்க வேண்டும் என்பதற்காக காவல் ஆய்வாளராக வேண்டும் என்பதே எனது நீண்ட நாள் ஆசையாக இருந்தது. மதுவை மாநிலம் முழுவதும் தடை செய்ய வேண்டும் என்று ஷஷாங்க் செய்தியாளா்களின் கேள்விகளுக்கு பதில் அளித்தாா்.
அவரது தந்தை முனிராஜ் செய்தியாளா்களிடம் கூறியது, குணமாக்க முடியாத தலசீமியா நோயால் பாதிக்கப்பட்டுள்ள எனது மகனின் ஆசையை போலீஸாா் நிறைவேற்றி தந்துள்ளது மகிழ்ச்சி அளிக்கிறது. அவன் நீண்ட நாள் வாழ வேண்டும் என்ற எங்களின் ஆசையையும் கடவுள் நிறைவேற்றினால் நாங்கள் மிகவும் மகிழ்ச்சி அடைவோம் என்றாா். ஒரு நாள் காவல் ஆய்வாளராக பணியாற்றிய ஷஷாங்கிற்கு மாநகர தெற்கு மண்டல துணை காவல் ஆணையா் சரணப்பா பூங்கொத்து கொடுத்து வாழ்த்து தெரிவித்தாா்.