கர்நாடகாவில் காங்கிரஸ் - மதசார்பற்ற ஜனதா தளம் கூட்டணிக்கு எதிர்ப்பு தெரிவித்து எடியூரப்பா தலைமையில் பா.ஜ.க,வினர் போராட்டம் நடத்தினர்.
கர்நாடக முதல்வராக மதச்சார்பற்ற ஜனதா தளம் (மஜத) மாநிலத் தலைவர் ஹெச்.டி. குமாரசாமி இன்று மாலை பதவியேற்கிறார். அவருடன் காங்கிரஸ் மாநிலத் தலைவர் ஜி.பரமேஸ்வரும் துணை முதல்வராக பதவியேற்கவுள்ளார். இந்த விழாவில் காங்கிரஸ் மூத்த தலைவர் சோனியா காந்தி, தலைவர் ராகுல் காந்தி உள்ளிட்ட தலைவர்கள் கலந்து கொள்ளவுள்ளனர்.
இந்நிலையில் கர்நாடகாவில் மக்களின் விருப்பத்துக்கு எதிராக காங்கிரஸ் - மதசார்பற்ற ஜனதா தளம் கூட்டணி அமைந்துள்ளதற்கு எதிர்ப்பு தெரிவித்து எடியூரப்பா தலைமையில் பா.ஜ.க,வினர் போராட்டம் நடத்தினர். அப்போது அவர்கள் கையில் கருப்பு பட்டை அணிந்து தங்களின் எதிர்ப்பை தெரிவித்தனர்.