சோனியா, ராகுல் உள்ளிட்ட தலைவர்களுடன் கமல் சந்திப்பு 

காங்கிரஸ் தலைவர் ராகுல் காந்தி மற்றும் முன்னாள் தலைவர் சோனியா காந்தி ஆகியோரை பெங்களூருவில் மக்கள் நீதி மய்யம் கட்சித் தலைவர் கமல்ஹாசன் புதனன்று சந்தித்துப்  பேசினார்.
சோனியா, ராகுல் உள்ளிட்ட தலைவர்களுடன் கமல் சந்திப்பு 

பெங்களூரு: காங்கிரஸ் தலைவர் ராகுல் காந்தி மற்றும் முன்னாள் தலைவர் சோனியா காந்தி ஆகியோரை பெங்களூருவில் மக்கள் நீதி மய்யம் கட்சித் தலைவர் கமல்ஹாசன் புதனன்று சந்தித்துப்  பேசினார்.

கர்நாடக மாநில முதல்வராக மத்சசார்பற்ற ஜனதா தள தலைவர் குமாரசாமி பங்கேற்கும் பதவியேற்பு விழா பெங்களூருவில் புதனன்று நடைபெற்றது. இந்த நிகழ்வில் பங்கேற்க பல முக்கியத் தலைவர்கள் அழைக்கப்பட்டிருந்தனர். தமிழகத்தில் இருந்து மக்கள் நீதி மய்யம் கட்சித் தலைவர் கமல்ஹாசனுக்கு அழைப்பு விடுக்கப்பட்டிருந்தது.  

இந்த நிகழ்வில் கலந்து கொண்ட அவர் குமாரசாமிக்கும், துணை முதல்வராக பதவியேற்றுள்ள பரமேஸ்வரா ஆகியோருக்கும் தனது வாழ்த்துக்களை தெரிவித்துக்கொண்டார்.

அத்துடன் நிகழ்வில் கலந்து கொண்ட காங்கிரஸ் தலைவர் ராகுல் காந்தி, முன்னாள் தலைவர் சோனியா காந்தி ஆகியோரையம் சந்தித்து அவர்களுடன் சிறிது நேரம் பேசினார்.

அதேபோல இந்த விழாவுக்கு என வந்திருந்த ஆந்திர முதல்வர் சந்திரபாபு நாயுடு, புதுச்சேரி முதல்வர் நாராயண சாமி, மார்க்சிஸ்ட் தேசிய பொதுச்செயலாளர் சீத்தாராம் யெச்சூரி, இந்திய கம்யூனிஸ்ட் கட்சி எம்.பி ராஜா, ஆகியோரையும் சந்தித்து அவர் கலந்துரையாடினார்

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com