முன்னாள் விளம்பரப்படத் தயாரிப்பாளரும், ஆஸ்கர் விருது பெற்ற காந்தி திரைப்படத்தில் முகமது அலி ஜின்னாவாக நடித்தவருமான அலிக் பதாம்ஸீ சனிக்கிழமை காலமானார். அவரது மறைவுக்கு பிரதமர் மோடி இரங்கல் தெரிவித்துள்ளார்.
பிரபல முன்னாள் விளம்பரப் படத்தயாரிப்பாளராகவும், முன்னாள் ஊடக தொடர்பாளராகவும் விளங்கிய அலிக் பதாம்ஸீ, தில்லியில் தனது 90வது வயதில் காலமானார். அவர் உலகப்புகழ் பெற்ற ரிச்சர்ட் அட்டன்ப்ரோ இயக்கிய காந்தி ஹாலிவுட் திரைப்படத்தில் முன்னாள் பாகிஸ்தான் கவர்னர் ஜெனரல் முகமது அலி ஜின்னா கதாபாத்திரத்தில் நடித்து புகழ் பெற்றார்.
அவரது மறைவுக்கு இரங்கல் தெரிவித்து பிரதமர் மோடி தனது சுட்டுரையில் கூறியிருப்பதாவது: அலிக் பதாம்ஸீயின் திடீர் மறைவு மிகவும் வருத்தமளிக்கிறது. ஆச்சர்யப்படத்தக்க ஊடக தொடர்பாளராக விளங்கிய அவர், விளம்பர உலகில் ஆற்றிய பணிகள் எப்போதும் நினைவு கூறத்தக்கதாக இருக்கும். அதேபோல திரைப்படத்துறையிலும் அவர் ஆற்றியப் பங்களிப்பு குறிப்பிடத்தக்கதாகும் என்று தெரிவித்துள்ளார்.