ஹிமாச்சல பிரதேசத்தில் ஜீப் விபத்து: 13 பேர் சாவு

ஹிமாச்சல பிரதேசத்தில் சனிக்கிழமை ஏற்பட்ட ஜீப் விபத்தில் 13 பேர் உயிரிழந்தனர்.

ஹிமாச்சல பிரதேச மாநிலத்தின் ஷிம்லாவில் அமைந்துள்ள சனைல் மலைப்பகுதியில் ஜீப் ஒன்று சனிக்கிழமை விபத்துக்குள்ளானது. மலைப் பள்ளத்தாக்கில் கவிழ்ந்து விபத்துக்குள்ளானதில் 4 பெண்கள் உட்பட 13 பேர் உயிரிழந்தனர். 

தியூனி சாலையில் குட்டூ என்ற சாலையில் 3 கிலோ மீட்டர் தூரத்தில் ஏற்பட்ட இந்த விபத்தில் ஒரு குழந்தை உட்பட 3 பேர் பலத்த காயங்களுடன் ரோஹ்ரூ மருத்துவமனையில் அனுமதிக்கப்பட்டனர்.  

விபத்து தொடர்பாக ஷிம்லா போலீஸ் அதிகாரி ஓம்பட்டி ஜம்வால், நேரில் சென்று பார்வையிட்டார். மேலும் ஜுப்பல், ஸ்வரா ஆகிய பகுதிகளைச் சேர்ந்த போலீஸார் மீட்புப் பணிகளில் ஈடுபட்டனர்.