மகாராஷ்டிராவில், துறவிகள் முன் உட்கார்ந்திருந்த பெண் நிருபரை பின் வரிசைக்குப் போகச் சொன்னார்களாம்..
விஸ்வாமித்திரர் மேட்டருக்குப் பிறகு துறவிகள் கொஞ்சம் ஜாக்கிரதையாகத்தான் இருக்கிறார்கள் போலிருக்கு.
***
தரங்கம்பாடிக் கட்டடத்தைக் கட்டும் எல்லா தொழிலாளர்களும் பெண்களாம்.
கட்டாயம் மே-ஸ்திரியும் ஒரு பெண்ணாகத்தான் இருப்பார்.
***
பள்ளியில் பயிலும் மாணவனுடன் ஆசிரியை ஓட்டம் பிடித்தார்.
கெமிஸ்ட்ரி அமர்க்களமா ஒர்க்கவுட் ஆயிருக்கும்.
***
தற்கொலை செய்யும் உழவர்கள் கோழைகள் - ஹரியானா அமைச்சர்.
இந்தமாதிரி உளறும் அமைச்சர்கள் தைரியசாலிகள்.
***
அமளியில் கல்லெறிந்த மகனை பளாரென்று அறைந்த அமெரிக்கத் தாய்.
‘இளமையில் கல் என்பது இதுவாடா?’ என்ற சீற்றத்துடனா?
***
தன்னைப்போல சாம்பார் சாதம் பிடிக்கும் கணவர்தான் ஸ்ருதிஹாசனுக்கு அமையவேண்டுமாம்.
‘தான்’ என்கிற ஐட்டமே இல்லாத வெறும் சாம்பாராகவும் இருக்க வேண்டுமா?
***
கேரம் போர்டு வியாபாரி செம்மர பதுக்கலில் ஈடுபட்டார்.
செம்மரத்திலே பூந்து விளையாடி பேக்கெட்டிலே போட்டிருப்பாரே?
***
திருச்சி சுங்க இலாகாவிடமிருந்து மேலும் 15 கிலோ தங்கம் மாயமாம்.
கம்பியா தங்கத்தை நீட்டலாம். தங்கத்துடன் கம்பியும் நீட்டலாம்தானே?
***
ஆண் குழந்தை தரும் மருந்தை பாபா ராம்தேவ் விற்பதால் சர்ச்சை.
சுரிதார் அணிந்து ராம்லீலா மைதானத்திலிருந்து பெண்ணாக தப்பியவர் இப்படிச் செய்யலாமா?
***
கொரியாவில் திருமணச் சடங்கின்போது மணமகளின் கண்களை பிளாஸ்திரி போட்டு ஒட்டி விடுவார்களாம்..
இவ்வாறு கண்ணை மூடி மணக்கும் பெண் ஒரு மக்குப் பிளாஸ்திரிதானே?
***
90 வகை உணவுகளுடன் சென்னையில் பலாச்சுளை திருவிழா.
பலாப்பழ மசக்கை உடைய பெண்கள் போய் சக்கை போடு போடலாம்.
***
வேதநாராயணன் கோயிலில் உள்ள பெருமாள், வேதங்களைத் தலையணை யாக வைத்து பள்ளிகொண்டு இருக்கிறார்.
அவருடைய பக்தர்களில் பலரோ வேதனைகளைத் தலையணையாக வைத்து புரண்டு புரண்டு படுக்கிறார்கள்.
***
ஆறு மாதக் குழந்தைக்கு ஸ்மார்ட்போனை உபயோகிக்கத் தெரிந்து விடுமாம்.
பக்கத்து வீட்டு பாப்பா ஃப்ரெண்டுடன் செல்பி எடுத்துக் கொள்ளுமா?
***
சிம்பன்ஸியின் முதுகுத்தண்டு அமைப்புடைய மனிதர்களுக்குத்தான் முதுகுவலி வருமாம்.
தொடர்ந்து வாழைப் பழத்தைத் தின்று வந்தால் குணமாகலாம்.
***
கோயம்பேடு சந்தையில் மல்லிகைப்பூ, மாம்பழம் விலை குறைவு.
அல்வாவின் விலையும் குறைந்தால் இன்னும் கிளுகிளுப்பாக இருக்குமே!
***
இறந்த நோயாளிகளின் உறவினர்களிலிருந்து டாக்டர்களைக் காப்பாற்ற மருத்துவமனைகளில் பௌன்ஸர்கள் (அடியாட்கள்) பணிஅமைப்பு.
யமனோடு போராடித் தோற்ற டாக்டர்கள் நரனோடு போராட உதவியாகவா?
***
நுழைவுத் தேர்வு எழுத ஜம்மு-காஷ்மீரில் மாட்டுக்கு ஹால் டிக்கெட்.
விஷயங்களை அசைபோட்டு ஜீரணிக்கும் மாடு பரீட்சையில் பாஸாகிவிடும்.
***
காத்மண்டுவில் நிலநடுக்கத் துயருக்கு இடையே எளிமையாக திருமணம்.
மண வாழ்வில் விரிசல்கள் விழுந்தால் அசர மாட்டார்கள் அல்லவா?
***
நானோடிகிரி என்பது பன்னிரண்டே மாதங்களில் படித்துப் பெறும் பட்டம்.
ஜன்னல் வழியாகப் பணம் கொடுத்து உடனே வாங்குவது கவுன்டர்டிகிரிதானே.
***
உட்கொண்ட இருபது நிமிடங்களில் தேன் ரத்தத்தில் கலந்துவிடுமாம்.
வந்-தேனே வந்-தேனே என்கிற ராஜபார்ட் பாடலைப் பாடிக்கொண்டா?
***
கவிழ்ந்த டைட்டானிக் கப்பலின் சாய்வு இருக்கை ரூ 1 கோடிக்கு ஏலம் போனதாம்.
அதில் உட்கார்ந்தவுடன் கை தானாகவே கன்னத்தைத் தாங்க ஆரம்பித்துவிடுமா?
***
அதிக புகை கக்கும் வாகனங்கள் பறிமுதல் செய்யப்படும்.
பிடிபட்டால் கழண்டு வர நிறைய ‘கக்க’ வேண்டி இருக்கும்.
***
19 நாட்களில் 57 மாடி கட்டடம் கட்டி சீனாவில் சாதனை.
கனவில் வேண்டுமானால் நாம் கட்டலாம். ஆனால் கனவு முடிவதற்குள் விழுந்துவிடாதோ?
***
பேப்பர் கண்டுபிடிக்கும் முன்னால் ஆடுகளின் தோலின்மேல் எழுதிவந்தார்களாம்.
‘காடுகளை வெட்டாதீர்கள்’ என்பதற்குப் பதில் ‘ஆடுகளை வெட்டாதீர்கள்’ என்ற முழக்கம் போடப்பட்டிருக்குமா?
***
மழை நீரைத் துடைக்கும் காரின் வைப்பரைக் கண்டுபிடித்தவர் ஒரு பெண்.
கண்களை அடிக்கடி துடைக்கும் ஒரு பெண்ணால்தான் இது சாத்தியமாகி இருக்கும்.
***