சுற்றுலாத் தலங்கள் பட்டியலிலிருந்து தாஜ்மகால் நீக்கப்படவில்லை: உத்தரப்பிரதேச அரசு விளக்கம்

உத்திரப்பிரதேசம் மாநிலத்தின் சுற்றுலா துறை அமைச்சர் பகுகுணா ஜோஷி, உ.பி.யில் பார்க்க வேண்டிய முக்கிய இடங்களுக்கான வழிகாட்டி கையேட்டை நேற்று வெளியிட்டார்.

அந்த கையேட்டில் தாஜ்மகாலின் பெயர் இடம்பெறவில்லை. இதற்கு சமாஜ்வாடி உள்ளிட்ட கட்சிகள் கடும் எதிர்ப்பு தெரிவித்து வருகின்றன. சுற்றுலாத் தலங்கள் பட்டியலிலிருந்து தாஜ்மகால் நீக்கப்படவில்லை என்று உ.பி.அரசு விளக்கமளித்துள்ளது.

மேலும் மேம்படுத்தப்பட வேண்டிய சுற்றுலாத் தலங்களின் பட்டியல் தான் வெளியிடப்பட்டதாகவும்  தாஜ்மகாலுக்கு சுற்றுலாப் பயணிகளின் வருகையை அதிகரிக்க 156 கோடி ரூபாய் ஒதுக்கப்பட்டுள்ளதாகவும் உத்தரப்பிரதேச அரசு சார்பில் தெரிவிக்கப்பட்டுள்ளது.