புதுதில்லி: காங்கிரஸ் தலைவர் ராகுல்காந்தியின் பிறந்த நாளை முன்னிட்டு பிரதமர் மோடி அவருக்கு வாழ்த்து தெரிவித்துள்ளார்.
ராகுல் காந்தியின் 48-வது பிறந்த நாள் இன்று கொண்டாடப்படுகிறது. இதை முன்னிட்டு தில்லியில் உள்ள காங்கிரஸ் தலைமை அலுவலகத்தில் தொண்டர்கள் தோரணங்கள், கொடிகள் கட்டி கொண்டாட்டங்களில் ஈடுபட்டுள்ளனர்.
இந்நிலையில், பிரதமர் நரேந்திர மோடி டுவிட்டரில் ராகுல் காந்திக்கு பிறந்த நாள் வாழ்த்து தெரிவித்துள்ளார். அதில், ராகுல் காந்தியின் நீண்ட ஆரோக்கியமான வாழ்க்கைக்காக தான் பிரார்த்தனை செய்வதாக பிரதமர் தெரிவித்துள்ளார்.
இதேபோல் பிறந்தநாள் கொண்டாடும் ராகுல் காந்திக்கு கட்சி வேறுபாடு இன்றி பல்வேறு அரசியல் தலைவர்கள் வாழ்த்துக்கள் தெரிவித்தவண்ணம் உள்ளனர்.