புனேவில் நடைபெறும் இன்றைய போட்டியில் ‘டாஸ்’ வென்ற புனே கேப்டன் ஸ்டீவ் ஸ்மித், முதலில் பீல்டிங் தேர்வு செய்தார். இதைத்தொடர்ந்து மும்பை அணிக்கு பார்த்திவ் பட்டேல் மற்றும் ஜோஸ் பட்லர் துவக்கம் தந்தனர்.
தொடக்கம் முதலே அதிரடியாக ரன் குவிப்பில் ஈடுபட்டனர். 19 ரன்கள் எடுத்தபோது பார்த்திவ் பட்டேல் இம்ரான் தாகீர் பந்துவீச்சில் போல்ட் முறையில் அவுட் ஆனார். 20 ஓவர்கள் முடிவில் மும்பை இந்தியன்ஸ் அணி 8 விக்கெட்டை இழந்து 184 ரன்கள் குவித்தது. இதனைத் தொடர்ந்து 185 ரன்கள் எடுத்தால் வெற்றி என்ற இலக்குடன் ஆட்டத்தை தொடங்கிய புனே அணிக்கு அகர்வால் 6 ரன்களும், ரகானே சிறப்பாக விளையாடி 34 பந்துகளில் 60 ரன்களை குவித்தார்.
பின் களமிறங்கிய ஸ்மித் 54 பந்துகளில் 84 ரன்களையும் தோனி 12 ரன்களியும் எடுத்து 7 விக்கெட் வித்தியாசத்தில் 187 ரன்கள் எடுத்து புனே அணி சிறப்பான வெற்றி பெற்றது.