நாட்றம்பள்ளி அருகே நின்று கொண்டிருந்த மினி லாரி மீது லாரி மோதல்: 3 பேர் சாவு - Dinamani - Tamil Daily News

நாட்றம்பள்ளி அருகே நின்று கொண்டிருந்த மினி லாரி மீது லாரி மோதல்: 3 பேர் சாவு

First Published : 26 May 2013 06:26 PM IST

நாட்றம்பள்ளி அருகே தேசிய நெடுஞ்சாலை ஓரத்தில் நின்று கொண்டிருந்த மினிலாரி மீது மற்றொரு லாரி மோதிய விபத்தில் மூன்று உடல் நசுங்கி பலி. மேலும் 19 பேர் படுகாயமடைந்தனர்.

வேலூர் கொசப்பேட்டை பகுதியை சேர்ந்த கோபி(64) என்பவர் நிகழ்ச்சிகளில் சமையல் எடுத்து வேலை செய்து வருபவர்.

இவர் சனிக்கிழமை காலை ஓசூரில் நடத்த திருமண வரவேற்பு நிகழ்ச்சிக்கு விருந்து தயாரிக்கவும், சாப்பாடு பரிமாறவும் வேலூர் கொசப்பேட்டை, சலவன்பேட்டையை சேர்ந்த சமையல் தொழிலாளர்கள் 37 பேரையும் மினிலாரி மூலம் அழைந்து சென்றார். நிகழ்ச்சி முடிந்து சனிக்கிழமை நள்ளிரவு வேலூருக்கு திரும்பிக் கொண்டிருந்தனர். ஞாயிற்றுகிழமை அதிகாலை 2 மணி அளவில் மினிலாரியை நாட்டறம்பள்ளி அடுத்த கேதாண்டப்பட்டி துணை மின்நிலையம் அருகில் தேசியநெடுஞ்சாலை ஓரத்தில் லாரி ஓட்டுனர் நிறுத்தினார். அவர்களில் சிலர் சிறுநீர் கழிக்க சென்றனர்.

அப்போது ஈரோட்டிலிருந்து ராணிப்பேட்டைக்கு தோல் பொருட்களை ஏற்றி வந்துக் கொண்டிருந்த லாரி ஒன்று நின்றிருந்த மினிலாரி மீது பயரங்கமாக மோதியது. இவ்விபத்தில் கொசப்பேட்டையை சேர்ந்த சின்னபொண்ணு(28), அண்ணாமலை(45) மற்றும் சலவன்பேட்டையை சேரந்த ஹரிகரன்(54) ஆகியோர் சம்பவ இடத்திலேயே உடல் நசுங்கி பலியாயினர் மேலும் 19 பேர் படுகாயமடைந்தனர் விபத்தை அறிந்த அக்கம்பக்கத்தினர் காயமடைந்தவர்களை மீட்டு வாணியம்பாடி அரசு மருத்துவனையில் சேரத்தனர். படுகாயமடைந்தவர்களில் 8 பேர் மேல்சிகிச்சைகாக வேலூர் அரசு மருத்துவமனையில் சேர்க்கப்பட்னர். மற்ற 11 பேர் வாணியம்பாடி அரசு மருத்துவமனையில் சிகிச்சை பெற்று வருகின்றனர்.

தகவல் அறிந்த நாட்டறம்பள்ளி காவல் ஆய்வாளர் பழனி மற்றும் போலீசார் மூவரின் சடலத்தை மீட்டு பிரேத பரிசோதனைக்கு வாணியம்பாடி அரசு மருத்துவனையில் சேர்ந்தனர். மேலும் விபத்துக்குறித்து வழக்கு பதிந்து தோல் லாரி ஓட்டுனர் கோபிநாதன் என்பவரை கைது செய்து விசாரணை நடத்தி வருகின்றனர்.

A+ A A-

இந்த பகுதியில் மேலும்

குறிப்பு: வாசகர்கள் இந்த கமெண்ட் பாக்ஸ் மூலம் பதிவு செய்யும் கருத்துகள், அவரவரின் பேஸ்புக், கூகுள், டிவிட்டர், லிங்க்ட்இன் ஆகியவற்றில் ஏதேனும் ஒரு கணக்கு மூலம் நுழைந்து அவரவர் அடையாளத்துடன் தாமாகவே பதிவு செய்யும் வகையில் வடிவமைக்கப்பட்டுள்ளது. எந்த வித அடையாளக் கணக்குகளும் இன்றி, விருந்தினராக நுழைந்து வாசகர் பதிவு செய்யும் கருத்துகள், ஆசிரியர் குழுவின் பார்வைக்குப் பிறகே வெளியாகும். வாசகர்களின் கருத்துகள் தினமணியின் கருத்துகள் அல்ல. வாசகரின் கருத்துக்கு அவரே முழுப் பொறுப்பு. இருப்பினும், நாகரீகமற்ற, தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், கருத்து பதிவு செய்தவர் மீது நடவடிக்கை எடுக்க தினமணிக்கு உரிமை உண்டு. அத்தகைய கருத்துகள் உடனடியாக நீக்கப்படும். எனவே நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக் கொள்கிறோம். தனி நபர் தாக்குதலை, கட்டுரைகளுக்குப் பொருத்தமில்லாத கருத்துகளை வாசகர்கள் இங்கே இடவேண்டாம். வாசகர்களின் கருத்துச் சுதந்திரத்துக்கு வாய்ப்பளிக்கும் இந்தப் பகுதியைத் தவறாக பயன்படுத்த வேண்டாம்.