சேலை கட்டும் பெண்ணுக்கொரு வாசமுண்டு!

டாங்கைல் கைத்தறி பருத்தி மற்றும் பட்டுப் புடவைகள்!

டாங்கைல் புடவைகளின் புட்டாக்கள் மற்றும் பார்டர் டிசைன்கள் சற்றே எம்பிக் கொண்டு புடைப்பாகத் தோற்றமளிக்கும் இவை பிற கைத்தறிப் புடவைகளில் இருந்து இவற்றை பிரித்துக் காட்டும்.

19-11-2016

மகாராஷ்டிரத்து பைத்தானி கைத்தறிப் பட்டுப்புடவைகள்!

தமிழ்நாட்டில் கல்யாணம் என்றால் காஞ்சீவரத்தை எப்படித் தவிர்க்க முடியாதோ அப்படியே மகாராஷ்டிரத்து கல்யாணங்களில் ‘பைத்தானி’ இல்லாது கல்யாணமே நிறைவடையாது.

05-11-2016

தெலுங்கானா ஸ்பெஷல் போச்சம்பள்ளி ஐகாட் கைத்தறிப் பட்டு!

போச்சம்பள்ளி ஐகாட் புடவைகள் ஆந்திராவிலும், தெலுங்கானாவிலும் எத்தனை ஸ்பெஷலோ அத்தனைக்கத்தனை தமிழ் நாட்டு மக்களுக்கும் மிகப் பிடித்தமான ஒரு புடவை.

28-10-2016

காஞ்சிவரம் பட்டுப் புடவைகள்!

இந்து புராணக் கதைகளின் படி காஞ்சிப் பட்டு நெசவின் பூர்வீக கர்த்தாவாகக் கருதப்படுபவர் துறவி ”மார்கண்டேயர்” மனிதர்களுக்கு மாஸ்டர் டெய்லர் என்று சிலர் இருப்பது போல இவர் கடவுள்களுக்கு மாஸ்டர் நெசவாளர்.

22-10-2016

பனாரஸ் பட்டுக் கைத்தறிப் புடவைகள்!

பனாரஸ் நெசவுத் தொழில் நுட்பத்தில் ஒரு புடவை தயாராக குறைந்த பட்சம் 15 நாட்கள் முதல் 1 முழு மாதம் தேவைப்படும், அதிலும் ஜரிகை வேலைப்பாடுகள் மிகுந்த கலை நயமிக்க புடவைகள் வேண்டுமெனில் 3 மாதங்கள் வரையிலான  

15-10-2016

சந்தேரி கைத்தறிப் பட்டுப்புடவைகள்!

முகலாயர் காலத்தில் சந்தேரி நெசவுத் தொழில்நுட்பம் அதன் உச்ச கட்ட வெற்றியை அடைந்தது. மாள்வா சுல்தான்களும், பந்தேல்கண்ட் ராஜபுத்திர ராஜாக்களும் சந்தேரி நெசவின் மீது அபிரிமிதமான விருப்பத்தைக் கொண்டிருந்தன

07-10-2016

நகரத்தார் சமூகத்தின் கொடை செட்டி நாட்டுக் கைத்தறிப் புடவைகள்!

என்.ஐ.எஃப்.டி பேராசிரியர்கள் செட்டிநாட்டுக் கைத்தறிப் புடவைகளை கண்டாங்கி சேலைகளின் மாற்று வடிவம் என்று கூறுகின்றனர்.

30-09-2016

இதிகாசக் கதைகள் பேசும் பிஷ்ணுபூர் 'பலுச்சாரி' கைத்தறிப் பட்டுப் புடவைகள்!

இன்று பிஷ்ணுபூரில் இந்தப் புடவைகள் நெய்யப்பட்டாலும் கூட இவ்வகை நெசவுக்கு உயிர் தந்த தாய் கிராமமான பலுச்சாரை  மறவாமல் ‘பலுச்சாரி கைத்தறிப் புடவைகள்’ என்றே அழைக்கப்படுகின்றன.

23-09-2016

மென்மையிலும் ’மெஜஸ்டிக் லுக்’ தரும் மங்களகிரி கைத்தறிப் புடவைகள்...

‘பாகுபலி படத்தில் ரம்யாகிருஷ்ணனுக்காக அப்படத்தின் காஸ்டியூம் டிஸைனர் ரமா ராஜமௌலி விரும்பித் தேர்ந்தெடுத்தது இந்த மங்களகிரி கைத்தறிப் புடவைகளைத் தான்.

16-09-2016

பாலராமபுரம் கைத்தறிப் புடவைகள்

இங்கே தயாராகும் சரிகைக் கைத்தறிப் புடவையிலோ, வேஷ்டியிலோ செயற்கைச் சாயமேற்றப் படுவதில்லை. வெள்ளை நிற கோரா நூலில் சரிகை நூல் கலந்து அப்படியே நெய்கிறார்கள்.

02-09-2016

சேலை கட்டும் பெண்ணுக்கொரு வாசமுண்டு!

ஆகாயத்தின் நட்சத்திரங்களை எண்ணித் தீராது என்பதுபோல பெண்களின் புடவை மோகத்தையும் சொல்லித் தீராது. அதற்கேற்ப புடவை வகைகளும் ஒவ்வொரு ஆண்டும் அதிகரித்துக்கொண்டேதான் போகின்றன. கட்டுரையை வாசிப்பதற்கு முன் நீங்கள் ஒரு பெண்ணாக இருந்தால், முதலில் உங்கள் வார்ட்ரோபை திறந்து பாருங்கள். உங்களிடம் என்னென்ன வகைப் புடவைகள் எத்தனை இருக்கின்றன என்று உங்களால் சொல்ல முடிகிறதா பாருங்கள்.

சிலருக்கு புடவை கட்டிக்கொள்ளப் பிடிக்கும், புதிது புதிதாக புடவைகளை வாங்கி அடுக்கிக்கொள்ளவும் பிடிக்கும். ஆனால், இது என்ன வகைப் புடவை? என்று கேட்டால் சொல்லத் தெரிந்திருக்காது. புடவை நிறத்தையும், அதன் பகட்டையும் பார்த்து மயங்கி வாங்குவார்கள். தரத்தைப் பற்றி கவனமில்லாது புடவை வாங்கி, சில முறை துவைத்ததுமே புடவை நிறம் மங்கி வெளுப்பதைக் கண்டு புடவையைக் குறை சொல்வார்கள். குறை புடவையிலா இருக்கிறது?! நன்றாக யோசித்துப் பார்த்தால், தேர்ந்தெடுத்து வாங்கத் தெரியாதது நமது குறைதான் இல்லையா?

பொதுவாக, இயந்திரங்களால் உற்பத்தி செய்யப்படும் புடவைகளைவிட கையால் நெசவு செய்யப்படும் கைத்தறிப் புடவைகள் நீடித்து உழைக்கும் என்பதும் தரமானதாக இருக்கும் என்பதும் மக்களிடையே உள்ள பொதுவான நம்பிக்கை. ஆனால், கைத்தறிப் புடவைகளிலும் போலிகள் வந்துவிட்ட பின்பு, பெண்கள் எதைவைத்து புடவைகளின் தரத்தை ஆராய முடியும்? தரமான கைத்தறிப் புடவைகள் எவை? அவற்றில் என்னென்ன வகையான கைத்தறிப் புடவைகள் எல்லாம் பெண்களைக் கவரக்கூடும் என்ற தன்னார்வத்திலிருந்து பிறந்ததுதான் இந்தத் தொடர். 

வாரம் ஒரு புடவை வகை என்று எடுத்துக்கொண்டு அந்தந்த கைத்தறிப் புடவைகளை அவை அவற்றுக்கான தோற்றம், தரம் கண்டுபிடித்தல், பராமரித்தல், பயன்படுத்தும் பெண்களின் அனுபவப் பகிர்வுகள் என்று வெவ்வேறு தலைப்புகளின் கீழ் அலசுவோம்.

ஒவ்வொரு புடவை வகையைப் பற்றியும் வாசிக்க ஆரம்பித்ததும்தான் தெரிந்தது, இந்த வகையிலான ஆராய்ச்சி எத்தனை சுவாரஸ்யமானது என்று! கைத்தறிப் புடவைகளை எடுத்துக்கொண்டால் அதன் தோற்றம் மற்றும் நாகரிக வளர்ச்சியை ஒட்டி அவற்றில் நிகழ்த்தப்பட்ட நவீன மாற்றங்கள், உடுத்தும் நேர்த்தியில் அன்றிலிருந்து இன்று வரையிலான தொடர் மாறுதல்கள் என்று அத்தனை விவரங்களையும் தெரிந்துகொண்டு, அந்தந்த புடவைகளை உடுத்திக்கொள்ளும்போது உடுத்திக்கொண்டவர்களோடு சேர்ந்து புடவைகளின் கம்பீரமும் கூடிவிடுகிறது என்பது அனுபவ உண்மை.

  • அதிகம்
    படிக்கப்பட்டவை
  • அதிகம் இ-மெயில் செய்யப்பட்டவை