2017-ம் ஆண்டுக்கான நிகழவிருக்கும் குருப் பெயர்ச்சியில் குரு பகவான் எந்த ராசியில் இருந்து எந்த ராசிக்கு மாற்றம் அடைகிறார்? மாற்றம் அடைவதினால் எந்த ராசிக்காரர்களுக்கு நன்மை, தீமைகள் ஏற்படும் என்பதைத் தெரிந்துகொள்வோம்.
நிகழும் மங்களகரமான ஹேவிளம்பி வருஷம் தக்ஷிணாயனம் வருஷ ரிது ஆவணி மாதம் 17ம் நாள் - ஆங்கில தேதி 02.09.2017 சுக்ல ஏகாதசியும் சனிக்கிழமையும் பூராட நக்ஷத்ரமும் சௌபாக்கியம் நாமயோகமும் பத்ரை கரணமும் சித்தயோகமும் கூடிய சுபயோக சுபதினத்தில் உதயாதி நாழிகை 08.20க்கு - காலை 9.21க்கு குரு பகவான் கன்னி ராசியிலிருந்து துலா ராசிக்கு மாறுகிறார்.
எத்தனை வருடம் துலா ராசியில் குரு பகவான் சஞ்சாரம் செய்கிறார்......
• துலா ராசிக்கு வரும் குரு பகவான் தொடர்ந்து ஒரு வருட காலத்திற்கு அதிகமாக இந்த ராசியில் சஞ்சாரம் செய்து அருளாசி வழங்குவார்.
• துலா ராசிக்கு வரும் குரு பகவான் விருச்சிக ராசிக்கு ஹேவிளம்பி வருடம் புரட்டாசி மாதம் 18-ம் தேதி - 04.09.2018 - செவ்வாய்க்கிழமையன்று மாறுகிறார்.
• துலா ராசியில் இருந்து தனது ஐந்தாம் பார்வையால் கும்ப ராசியையும் - ஏழாம் பார்வையால் மேஷ ராசியையும் - ஒன்பதாம் பார்வையால் மிதுன ராசியையும் பார்க்கிறார்.
• குரு பகவானுக்கு ஸ்தான பலத்தை விட த்ருக் பலமே அதிகம். அதாவது இருக்கும் இடத்தின் பலத்தினை விடப் பார்க்கும் பலமே அதிகம். எனவே, குருவின் பார்வை பெறும் ராசிகள் பூரண பலன்கள்
பெறும்.
குருப் பெயர்ச்சியின் மூலம் நன்மை பெறும் ராசிகள்: மேஷம் - மிதுனம் - கும்பம்
குருப் பெயர்ச்சியின் மூலம் நன்மை தீமை இரண்டும் கலந்து பலன்கள் பெறும் ராசிகள்: கடகம் - கன்னி - துலாம் - தனுசு - மகரம்
குருப் பெயர்ச்சியின் மூலம் பரிகாரத்தின் மூலம் பயன்பெறும் ராசிகள்: ரிஷபம் - சிம்மம் - விருச்சிகம் - மீனம்