ஒருவருடைய ஜாதகத்தில் ஏதேனும் தோஷங்கள் இருந்தாலோ அல்லது ஏதேனும் பிரச்னைகள் இருந்தாலோ அதை நிவர்த்தி செய்து கொள்ள பரிகாரம் செய்கிறோம். அவ்வாறு செய்யப்படும் பரிகாரம் சரியான நேரம், காலம் பார்த்து செய்வது உரிய பலனை கொடுக்கும்.
• பொதுவாகப் பரிகாரம் செய்பவருடைய ஜென்ம நட்சத்திரத்தன்று பரிகாரம் செய்வது சிறப்பு. எந்தக் கிரகத்திற்கு பரிகாரம் செய்கிறோமோ அந்தக் கிரகத்தினுடைய கிழமைகளில் செய்யலாம். அமாவாசை, பௌர்ணமி திதிகளில் பரிகாரம் செய்யலாம். அஸ்வினி, மகம், மூலம் ஆகிய நட்சத்திரங்களில் பரிகாரம் செய்வது உத்தமம்.
• ஜென்ம நட்சத்திற்கு 4, 8, 12 இந்த நட்சத்திரங்களில் பரிகாரம் செய்யக் கூடாது. மழை பெய்து கொண்டிருக்கும்போது பரிகாரம் செய்யக் கூடாது. சந்தியா காலத்தில் பரிகாரம் செய்யக் கூடாது.
• நடு இரவு நேரங்களில் பரிகாரம் செய்யக் கூடாது. பொது கிரக தோஷ பரிகாரங்களை தேய்பிறையில் செய்ய வேண்டும். சூரியன் உச்சிப் பொழுதில் பரிகாரம் செய்யக் கூடாது.
பரிகாரம் செய்ய ஏற்ற இடம்:
• குளக்கரை • நதிக்கரை • கிணற்றங்கரை • கடற்கரை • அருவிக்கரை • கோ சாலை • நாயன்மார்களால் பாடல் பெற்ற சிவாலயங்கள் • ஆழ்வார்களால் மங்களாசாசனம் செய்யப்பட்ட விஷ்ணு ஆலயங்கள் • அடியார்கள், மகான்களால் பாடம் பெற்ற அம்மன் திருத்தலங்கள் • பாடல் பெற்ற விநாயகர் ஆலயங்கள் • சித்தர்கள் சமாதி அடைந்த திருத்தலங்கள் • குரு ஆலயம் • மலை ஸ்தலங்கள் போன்ற இடங்களில் பரிகாரம் செய்வதால் பலன் கிடைக்கும்.