சென்னை, சைதாப்பேட்டை அருள்மிகு சொர்ணாம்பிகை உடனுறை காரணீஸ்வரர் திருக்கோயிலில் சித்திரைப் பெருவிழா ஏப்ரல் 20-ம் தேதி (நாளை) கொடியேற்றத்துடன் தொடங்குகிறது.
இன்று இரவு 6.00 மணிக்கு அருள்மிகு விநாயகர் திருவீதி உலாவுடன் சித்திரைப் பெருவிழா தொடங்குகின்றது. ஏப்ரல் 20-ல் கொடியேற்றம் நடைபெறுகிறது.
ஏப்ரல் 21 முதல் ஏப்ரல் 28 வரை ஒவ்வொரு வாகனத்தில் உற்சவ மூர்த்தி திருவீதிஉலா நடைபெறும். ஏப்ரல் 29-ம் தேதி அருள்மிகு நடராஜர் தரிசனம், பஞ்சமூர்த்தி திருவீதி உலா, இந்திர தீர்த்தத்தில் தீர்த்தவாரியுடன், திருக்கல்யாண உற்சவம் நடைபெறுகிறது.
பிரதி தினம் மாலையில் திருக்கோயிலில் 6 மணி முதல் 7.30 மணி வரையிலும், இரவு திருவீதி உலாவிலும் சிறப்பு நாதஸ்வர இசை நிகழ்ச்சி நடைபெறும். பிரதி தினம் இரவில் சுவாமி திருவீதி உலாவின் போது தேவார இன்னிசை நடைபெறும்.