வாலாஜாபேட்டை தன்வந்திரி பீடத்தில் ஏப்ரல் 29-ஆம் தேதி (ஞாயிற்றுக்கிழமை ) சித்ரா பெளர்ணமி நாளன்று மகேஸ்வர பூஜையுடன், 468 ஹோம குண்டங்களில், 468 சித்தர்கள் யாகமும், ஜோதிடர்கள் குடும்ப நல வேள்வியும் நடைபெற உள்ளது.
இதில் 10-க்கும் மேற்பட்ட சிவாச்சாரியர்கள், 500-க்கும் மேற்பட்ட சாதுக்கள் மற்றும் ஜோதிடர்கள் பங்கேற்கும் விதத்தில் நடைபெற உள்ளது.
இந்த ஹோமங்களில் பங்கேற்கும் நபர்களுக்கு 468 சித்தர்களின் ஆசீர்வாதம் கிடைக்கும் எனவும், இந்த யாகத்துக்கு புஷ்பங்கள், பழங்கள், மூலிகை திரவியங்கள், பூஜை பொருள்கள், மளிகை பொருள்கள், அன்னதான பொருள்கள், பூர்ணாஹுதி வஸ்திரங்கள், சிவாச்சாரியார் வஸ்திரங்கள் உள்ளிட்டவற்றை தானம் வழங்கலாம் எனவும் பீடத்தின் ஸ்தாபகர் முரளிதர சுவாமிகள் தெரிவித்துள்ளார்.