வீரராகவர் கோயில் தை பிரம்மோற்சவம் இன்று தொடக்கம் 

வீரராகவர் கோயில் தை பிரம்மோற்சவம் இன்று தொடக்கம் 

வீரராகவ சுவாமி கோயிலில் தை பிரம்மோற்சவம் சனிக்கிழமை (ஜனவரி-13) கொடியேற்றத்துடன் தொடங்குகிறது. 

வீரராகவ சுவாமி கோயிலில் தை பிரம்மோற்சவம் சனிக்கிழமை (ஜனவரி-13) கொடியேற்றத்துடன் தொடங்குகிறது. 
திருவள்ளூரில் உள்ள வீரராகவ சுவாமி கோயிலில் தை பிரம்மோற்சவம் 13-ஆம் தேதி காலை 6 மணிக்கு கொடியேற்றத்துடன் தொடங்குகிறது. இதில் முதல் நாள் காலை 7.15 மணிக்கு தங்கச்சப்பரத்தில் சுவாமி பவனி வரும் நிகழ்ச்சியும், இரவு 9 மணிக்கு சிம்ம வாகனத்தில் வலம் வருதலும் நடைபெற இருக்கிறது. 
இதேபோல், 14-ஆம் தேதி காலை 8 மணிக்கு ஹம்ஸ வாகனத்திலும், இரவு 7 மணிக்கு சூரிய பிரபை வாகனத்திலும் , 15-ஆம் தேதி காலை 5 மணிக்கு கருட சேவை வாகனத்திலும், இரவில் 8.30 மணிக்கு ஹனுமந்த வாகனத்திலும் சுவாமி வலம் வருகிறார். 
தொடர்ந்து, 16-ஆம் தேதி தை அமாவாசையை முன்னிட்டு ரத்னாங்கி சேவையும், மாலை 4.30 மணிக்கு சுவாமி சேஷ வாகனத்திலும், இரவு 10 மணிக்கு சந்திரபிரபை வாகனத்திலும் வலம் வரும் நிகழ்ச்சி நடைபெற இருக்கிறது. 
இதேபோல், 17-ஆம் தேதி காலை 5 மணிக்கு நாச்சியார் திருக்கோலத்திலும், இரவு 7 மணிக்கு யாளி வாகனத்திலும் வலம் வருதல் . 18-ஆம் தேதி சொர்ணாபிஷேகம் மற்றும் வேணுகோபாலன் திருக்கோலத்தில் காலை 6.30 மணிக்கு வெள்ளிச் சப்பரத்திலும், இரவு 7 மணிக்கு யானை வாகனத்திலும் வலம் வருதல். 19-ஆம் தேதி காலை 5.15 மணிக்கு தேருக்கு எழுந்தருளுதல், மாலை 7.30 மணிக்கு திருமஞ்சனம் பின்னர் இரவு 10 மணிக்கு திருக்கோயிலுக்கு எழுந்தருளல். 
20-ஆம் தேதி மாலை 3.30 மணிக்கு திருப்பாதம்சாடி திருமஞ்சனம். இரவு 8 மணிக்கு குதிரை வாகனத்தில் எழுந்தருளல். 21-ஆம் தேதி காலை 5 மணிக்கு ஆள்மேல் பல்லக்கு , 10 மணிக்கு தீர்த்தவாரி. இரவு 7.30 மணிக்கு விஜயக்கொடி விமானம் வலம் வருதல் மற்றும் 10 மணிக்கு திருமொழி சாற்றுமறையும், ரத்னாங்கி சேவையும் நடைபெற உள்ளது. 
இதில் நிறைவாக 22-ஆம் தேதி பகல் 12.30 மணிக்கு த்வாதச ஆராதனம், இரவு 8 மணிக்கு வெட்டிவேர் சப்பரம் வலம் வரும் நிகழ்ச்சியுடன் நிறைவு பெறுகிறது. 
இந்த விழாவில் பல்வேறு பகுதிகளில் இருந்து நாள்தோறும் ஆயிரக்கணக்கான பக்தர்கள் கலந்து கொள்ள இருப்பதால், தேவையான அனைத்து வசதிகளும் செய்யப்பட்டுள்ளதாக தேவஸ்தான நிர்வாகத்தினர் தெரிவித்துள்ளனர்.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com