கூடுதல் பேருந்துகள் தேவை!

அயப்பாக்கம் நகராட்சி 11-ஆவது வார்டு வி.ஜி.என். பிளாட்டினா குடியிருப்பில் 900 வீடுகள் உள்ளன.  இந்தப் பகுதிக்குப் போதிய பேருந்து வசதி இல்லை. வழித்தட எண். 63  மட்டுமே இங்கு வருகிறது.  இக்குடியிருப்பு திருவேற்காடு பிரதான சாலையில் உள்ளது. அயப்பாக்கம் வரை போதுமான பேருந்து வசதி உள்ளது. வி.ஜி.என் பிளாட்டினா குடியிருப்பு செல்ல அயப்பாக்கம் சென்று அங்கிருந்து ரூ.50 செலவு செய்து ஆட்டோ பிடித்து செல்ல வேண்டியுள்ளது. இதனால் குடியிருப்புப் பகுதியில் வசிப்போர் மிகுந்த சிரமத்துக்குள்ளாகின்றனர். அம்பத்தூர் தொழிற்பேட்டையிலிருந்து அயப்பாக்கம் செல்லும் பேருந்துகளை திருவேற்காடு வரை நீடிக்கவும், திருவேற்காட்டிலிருந்து பாரிமுனை, கோயம்பேடு, அயனாவரம், வள்ளலார்நகர், கிண்டி செல்லும் வழித்தடங்களில் பேருந்துகளை இயக்கினால் இப்பகுதி மக்கள் மிகுந்த பயனடைவார்கள்.
நித்திலா செல்வராஜ், வில்லிவாக்கம்.