டீப் புளூ - காஸ்பரோவ் இருவரும் விளையாடிய செஸ் விளையாட்டு ஒரு உலகப் பிரசித்தி பெற்ற செஸ் விளையாட்டாகும். இவ் விளையாட்டு அமெரிக்காவின் பென்சில்வேனியா மாகாணத்தில் உள்ள ஃபிலடெல்ஃபியாவில் விளையாடப்பட்டது. செஸ் விளையாடும் கணினியொன்று வழக்கமான செஸ் சுற்றுப்போட்டி விதிகளின் கீழ் (நேரக் கட்டுப்பாடு) அக்கால உலக சம்பியன் ஒருவரை வென்ற முதலாவது விளையாட்டு இதுவாகும்.
'டீப் புளூ' என்ற கணினியானது காரி காஸ்பரோவை வெல்வதற்காக ஐபிஎம் நிறுவனத்தால் உருவாக்கப்பட்டதாகும். ஆறு போட்டிகள் தொடரில் "டீப் புளூ" கடைசி போட்டியை வென்றது. எனினும் மிகுந்த ஐந்து விளையாட்டுக்களில் 3 வெற்றிகளையும், 2 சமநிலைகளையும் பெற்றது மூலம் 1996ல் காஸ்பரோவ் வெற்றிபெற்றார். 1997ல் மீண்டும் விளையாடியபோது இரண்டு விளையாட்டுக்களை மேலதிகமாக வென்றதுடன், முழு "மாட்ச்"சையும் 'டீப் ப்ளூ' வென்றது. எனினும் காஸ்பரோவ் உலகின் தலைசிறந்த செஸ் விளையாட்டு வீரராகவே கருதப்படுகிறார்.