மழை நீர் மண்ணின் தாகம் தீர்க்கும் மாமருந்து
இழையிழையாக அன்பை மண்ணுக்குள் இறக்கும்
தழை செடி கொடிகள் மகிழ்ச்சியில் பளபளக்கும்
உழைக்கும் உழவரின் உளம் நனைக்கும் விருந்து
மனிதநேயம் மிளிர மனிதரும் மழை நீர் போலே
புனித செயல்கள் பல செய்து வள்ளலாகணும்
இனிய சொற்களால் அன்பு மழை பொழியணும்
கனிவு தரும் உதவிகள் பல செய்து மிளிரணும்
பள்ளங்களில் பாய்ந்தோடி குளங்களாகிக் குளிரணும்
உள்ளங்களில் அன்பு விதைத்து வளரச் செய்யணும்
கள்ளமில்லா மனதுடன் யாவரையும் சரிசமமாக
குள்ளமில்லா குணத்துடன் குறையின்றி நடத்தணும்
நதிகளாகி நன்மைபல புரியும் நாயகனாய்த் திகழணும்
சுதிமாறா சுந்தர ஓட்டம் ஓடி அழகாக மிளிரணும்
துதிக்கும் வண்ணம் வற்றாமல் வளமாக வாழணும்
நிதி கிட்டும் வண்ணம் நிம்மதியாய் நிலையாகணும்
பாயும் மண்ணின் தன்மையில் தன்னை மாற்றணும்
காயும் கனியும் செழித்திட கடும் உழைப்பிலாகணும்
பாயும் புலியாக பாய்ந்து பாய்ந்து பணியாற்றணும்
தேயும் நிலவாக தேய்ந்து வளர்ந்து செழிப்பாகணும்.