மணம்மிக்க பூவொன்று மலர்ந்திட்டது அன்று மகிழ்ந்திட்டது இறைபாதம் அடைந்திடுவோம் என்று !கனத்ததொரு இதயமுடன் அழுதிட்டது இன்று, கழுதையதன் கல்லறைமேல் அமரந்தோமே என்று!நல்லமண மலராகப் பிறந்ததனை எண்ணி நாளெல்லாம் மகிழ்ந்ததது ; மாலையென்று ஆகிகல்லறைக்கு வந்ததனால் கவலைகள் இலையாம், கபோதியை அலங்கரிக்க நேர்ந்ததனால் தானாம்!மங்கலநற் பெண்களதன் கூந்தல்தனில் அமர்ந்து மணம்வீசி மகிழ்வடைய வரந்தன்னைக் கேட்டும்,இங்குவொரு கொள்ளைக்காரி கல்லறையில் அமர என்னபாபம் செய்ததது, ஏனிந்தக் கொடுமை?வாசங்கொண்ட மலராகப் பிறந்ததனை எண்ணி வக்கணையாய் மகிழ்ததென்ன, எனினும் முடிவில்நேசமிலாக் கொடியோரின் கல்லறையைக் காண நேர்ந்ததனை எண்ணியது வருந்துகின்ற தென்ன!கோடிகோடி என்றாகக் கொள்ளைதனை இட்ட கொடியவரின் கல்லறை வாசமது வேண்டாம்,நாடிதனில் ஏழ்மையுற்று இறப்புதனைக் கண்ட நல்லோரின் கல்லறையே போதுமெனும் எதுவும்!மீண்டும்வோர் பிறப்புண்டு என்றாலும் மலர்கள் மேன்மையது கொண்டவரை அடைந்திடவே எண்ணும்;மாண்பற்றோர் கல்லறையில் அமர்ந்திட நேர்ந்தால் மகிழ்ச்சிதனைக் கொள்ளாதே எந்தவொரு மலரும்!