தாயாய், தாரமாய்
தரணியில் பெண்மை !
மென்மைக்கு சான்று
பெண்மையின் தன்மை !
மங்கை இறை தந்த வரம்
மங்கையின் வீரம்
இல்லறத்தின் தரம்
தலைமுறைக்கு உரம்
தங்க மகளாய் தந்தைக்கு
செல்வ வளமாய் பெண்மை !
எதிலும் பெண்மையின் பங்கு
எங்கும் மகளிரின் தாக்கம்
தாலாட்டும் மங்கையின் தாய்மை
தங்கம் வெல்லும் மங்கைகள்
உலகை ஆளும் காலம்
உறுதி கொண்டு உருவாகிவிட்டது
வீர மங்கை உலகை ஆள்வாள் !!!