என் பிஞ்சு கைகளை ஆட்டி கொஞ்சும்
மழலையில் நான் சொல்லிவிடுவேன் என்ன
வேண்டும் எனக்கு என்று !
எந்த மொழி பேசினாலும் என் மழலை
மொழி புரியனுமே என் அம்மாவுக்கும்
அப்பாவுக்கும் !
என் மழலை கேட்டு அம்மா அப்பா கொட்டும்
செல்ல மழையில் நனையனும் நான் எப்போதும் !
என் மழலை வயதில் உங்க செல்ல மழை
மட்டுமே வேண்டும் எனக்கு அம்மா .... அது ஒரு
இனிய தூறல் மழை ! பாசத்தின் சாரல் மழை !
இடி மழை எனக்கு வேண்டவே வேண்டாமே
இந்த பிஞ்சு வயதில் ...தாங்க முடியுமா நான்
ஒரு இடி முழக்கத்தை இந்த வயதில் ?
புரிஞ்சுக்கணும் ஒரு பிஞ்சின் மனதை நீங்க
செல்ல மழை பெய்ய வேண்டிய நேரத்தில்
தப்பாமல் பெய்ய வேண்டும் செல்ல மழை !
உங்க மனசு நான் புரிஞ்சு நடக்கும் காலம்
மலரும் நேரம்.... சொல்லாமல்
கொள்ளாமல் ஓய்ந்து விடும் செல்ல மழை !