மேல்சட்டையில்லாமல்
அரை டவுசரில்
காடு, மேடு, களத்துமேடு என
கொட்டும் மழையில்
தாத்தாவின் பிஞ்சு மனம்
நுங்கு வண்டி உருட்டியபடி
அம்மா சொன்ன வேலைக்காக
கடைத்தெருவிற்கு செல்ல
கனத்த மழை முத்தமிட்ட
செம்மண் சிற்றாறுகளிடையே
அப்பாவின் பிஞ்சு மனம்
சைக்கிள் டயர் உருட்டியபடி
ஜன்னல் கம்பியில் முத்தமிட்ட
மழைத்துளி கண்ணில் பட
நனைவதற்கு அனுமதியின்றி
வாசலில் நின்ற தண்ணீரில்
என் பிஞ்சு மனம்
காகித கப்பல் விட்டபடி
கம்ப்யூட்டர், லேப்டாப்
செல்போன், தொலைக்காட்சி
மூளைச்சாவு கிருமிகளோடு
என் வாரிசுகளின் பிஞ்சுமனம்
செல்லா காசாய்
செல்ல மழை!