குஜராத் மாநிலம் செüராஷ்டிரத்தின் ராஜ்கோட் மைதானத்தில் முதன்முறையாக நடைபெறவுள்ள டெஸ்ட் கிரிக்கெட் போட்டிக்கு வருகை தருமாறு பிரதமர் நரேந்திர மோடிக்கு செளராஷ்டிர கிரிக்கெட் சங்கம் (எஸ்சிஏ) அழைப்பு விடுத்துள்ளது.
இந்தியா - இங்கிலாந்து இடையேயான அந்த முதல் டெஸ்ட் கிரிக்கெட் போட்டி, நவம்பர் 9 முதல் 13-ஆம் தேதி வரையில் நடைபெற உள்ளது. இந்த மைதானத்தில் முதல்முறையாக டெஸ்ட் போட்டி நடத்தப்படுகிறது.
இதுகுறித்து, செüராஷ்டிர கிரிக்கெட் சங்கத்தின் செய்தித் தொடர்பாளர் ஹிமான்ஷு ஷா கூறியதாவது:
ராஜ்கோட் மைதானத்தில் நடைபெறவுள்ள இந்த முதல் டெஸ்ட் கிரிக்கெட் போட்டி, இப்பகுதி கிரிக்கெட் ரசிகர்களுக்கான பெருமையாகும். அத்தகைய போட்டிக்கு வருகை தருமாறு பிரதமர் நரேந்திர மோடிக்கு அழைப்பு விடுத்துள்ளோம்.
பிரதமர் மோடி, குஜராத் முதல்வராக இருந்தபோது கடந்த 2006-ஆம் ஆண்டு ஜூன் 19-ஆம் தேதி ராஜ்கோட் மைதானத்துக்கான அடிக்கல் நாட்டினார். கட்டி முடிக்கப்பட்ட இந்த மைதானத்தை கடந்த 2003 ஜனவரி 5-ஆம் தேதி அவரே திறந்துவைத்தது குறிப்பிடத்தக்கது.
பிரதமர் மோடி இந்தப் போட்டிக்கு வருகை தருவது குறித்து இன்னும் உறுதி செய்யப்படவில்லை. இப்போட்டிக்கு, மாநில முதல்வர் விஜய் ரூபானி, முன்னாள் வீரர்கள் உள்ளிட்டோருக்கும் அழைப்பு விடுத்துள்ளோம் என்று ஹிமான்ஷு கூறினார்.