பஞ்சாப் கிங்ஸ் லெவன்-ஹைதராபாத் சன் ரைசர்ஸ் அணிகள் இடையே ஆன ஐபிஎல் 16-வது ஆட்டம் வியாழக்கிழமை இரவு மொஹாலியில் நடைபெற்றது. முதலில் டாஸ்வென்ற பஞ்சாப் அணி பேட்டிங்கை தேர்வு செய்தது. 20 ஓவர்கள் முடிவில் 3 விக்கெட் இழப்புக்கு பஞ்சாப் அணி 193 ரன்களை எடுத்தது. கெயில் வழக்கம் போல் தனது அதிரடி ஆட்டத்தை மேற்கொண்டு, 11 சிக்ஸர், 1 பவுண்டரியுடன் 63 பந்துகளில் 103 ரன்களை குவித்தும், ஆரோன் 14 ரன்களுடனும் ஆட்டமிழக்காமல் இருந்தார்.
20 ஓவர்கள் முடிவில் 4 விக்கெட் இழப்புக்கு ஹைதராபாத் அணி 178 ரன்களையே எடுக்க முடிந்தது. இறுதியில் 15 ரன்கள் வித்தியாசத்தில் பஞ்சாப் அணி வென்றது. இதன் மூலம் தொடர் வெற்றி பெற்ற ஹைதராபாத் அணி முதல் தோல்வியை சந்தித்துள்ளது.