ஐபிஎல்: ஹைதராபாத் அணி 176 ரன்கள் குவிப்பு!

20 ஓவர்களில் 3 விக்கெட் இழப்புக்கு 176 ரன்கள் எடுத்தது.
ஐபிஎல்: ஹைதராபாத் அணி 176 ரன்கள் குவிப்பு!

புணேவில் இன்று நடைபெற்று வரும் ஐபிஎல் கிரிக்கெட் தொடரின் 24-ஆவது லீக் ஆட்டத்தில் ரைஸிங் புணே சூப்பர்ஜயன்ட்ஸ்-சன்ரைஸர்ஸ் ஹைதராபாத் அணிகள் மோதி வருகின்றன. புணே அணியில் 17 வயது தமிழக வீரர் வாஷிங்டன் சுந்தர் இடம்பெற்றுள்ளார். 

டாஸ் வென்ற புணே அணி, ஃபீல்டிங்கைத் தேர்வு செய்தது.

ஹைதராபாத் தொடக்க வீரர்களான வார்னரும் தவணும் 55 ரன்கள் சேர்த்தார்கள். பிறகு 30 ரன்களில் தவண் ஆட்டமிழந்தார். வில்லியம்சன் 21 ரன்களில் அவுட் ஆகி ஏமாற்றம் அளித்தார். வார்னர் 43 ரன்களில் வெளியேறினார்.

ஹைதராபாத் அணி நிர்ணயிக்கப்பட்ட 20 ஓவர்களில் 3 விக்கெட் இழப்புக்கு 176 ரன்கள் எடுத்தது. ஹென்ரிக்ஸ் அதிகபட்சமாக 28 பந்துகளில் 55 ரன்கள் எடுத்தார். தமிழக வீரர் வாஷிங்டன் சுந்தர் 3 ஓவர்கள் வீசி 19 ரன்கள் கொடுத்தார். விக்கெட் எதுவும் எடுக்கவில்லை.

ஹைதராபாத் அணி இதுவரை 6 ஆட்டங்களில் விளையாடி 4 வெற்றிகளையும், புணே 5 ஆட்டங்களில் விளையாடி 2 வெற்றிகளையும் பெற்றுள்ளன. இவ்விரு அணிகளும் இதுவரை 2 ஆட்டங்களில் நேருக்கு நேர் மோதியுள்ளன. அதில், ஹைதராபாத் ஒரு வெற்றியும், புணே ஒரு வெற்றியும் பெற்றுள்ளன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com