பார்சிலோனா ஓபன் டென்னிஸ் போட்டியில் ஸ்பெயினின் ரஃபேல் நடால், ஆஸ்திரியாவின் டொமினிக் தீம் ஆகியோர் இறுதிச் சுற்றுக்கு முன்னேறியுள்ளனர்.
ஞாயிற்றுக்கிழமை நடைபெறும் இறுதிச் சுற்றில் நடால் வெல்லும்பட்சத்தில், பார்சிலோனா ஓபனில் அவர் வென்ற 10-ஆவது பட்டமாக இது அமையும்.
ஸ்பெயினின் பார்சிலோனா நகரில் நடைபெற்று வரும் இந்தப் போட்டியில் சனிக்கிழமை நடைபெற்ற அரையிறுதியில் உலகின் முதல் நிலை வீரரான முர்ரே 2-6, 6-3, 4-6 என்ற செட் கணக்கில் ஆஸ்திரியாவின் டொமினிக் தீமிடம் அதிர்ச்சித் தோல்வி கண்டார்.
விறுவிறுப்பாக நடைபெற்ற இந்த அரையிறுதியின் முதல் செட்டை 6-2 என்ற கணக்கில் டொமினிக் தீம் கைப்பற்ற, அடுத்த செட்டை 6-3 என்ற கணக்கில் முர்ரே கைப்பற்றினார்.
இதையடுத்து நடைபெற்ற வெற்றியைத் தீர்மானிக்கும் 3-ஆவது செட்டின் ஆரம்பத்தில் தனது சர்வீஸை முர்ரேவிடம் இழந்த டொமினிக் தீம், பின்னர் சரிவிலிருந்து மீண்டார். அவர், தொடர்ந்து அபாரமாக ஆட, முர்ரேவுக்கு நெருக்கடிக்கு ஏற்பட்டது. அதை சரியாகப் பயன்படுத்திக் கொண்ட டொமினிக் தீம், முர்ரேவின் மூன்று சர்வீஸ்களை முறியடித்து 6-4 என்ற கணக்கில் மூன்றாவது செட்டை கைப்பற்றி வெற்றி கண்டார். முர்ரேவுக்கு எதிராக டொமினிக் தீம் பெற்ற முதல் வெற்றி இது. தோல்வி குறித்துப் பேசிய முர்ரே, 'இது சவால் மிக்க ஆட்டம்' என்றார்.
நடால் வெற்றி: மற்றொரு அரையிறுதியில் நடால் 6-3, 6-4 என்ற நேர் செட்களில் ஆர்ஜென்டீனாவின் ஹொராஸியோ ùஸபல்லோஸை தோற்கடித்தார்.