தேசிய துப்பாக்கி சுடுதல்: 5 தங்கம் வென்றார் அஞ்சும்

தேசிய துப்பாக்கி சுடுதல் சாம்பியன்ஷிப் போட்டியில் மகளிர் தனிநபருக்கான 50 மீட்டர் ரைஃபிள் 3 பொசிஷன்ஸ் பிரிவில் பஞ்சாப் வீராங்கனை அஞ்சும் முட்கில் தங்கம் வென்றார். மேலும், இப்போட்டியின் அணிகளுக்கான பிரிவிலும் அவர் தங்கம் வென்றார்.
இதையடுத்து, இப்போட்டியில் இதுவரை அவர் வென்ற 3 தங்கத்தையும் சேர்த்து, அவரது மொத்த தங்கப் பதக்கங்களின் எண்ணிக்கை 5-ஆகியுள்ளது.
முன்னதாக, ஞாயிற்றுக்கிழமை நடைபெற்ற 50 மீட்டர் ரைஃபிள் 3 பொசிஷன்ஸ் தனிநபர் பிரிவில் 457.6 புள்ளிகளுடன் அஞ்சும் முட்கில் முதலிடம் பிடித்தார். இப்பிரிவில் ஜம்மு காஷ்மீரின் ஷ்ரேயா சக்úஸனா 452.9 புள்ளிகளுடன் 2-ஆம் இடமும், ராணுவ வீராங்கனையான ராஜ் செளதரி 439.5 புள்ளிகளுடன் 3-ஆம் இடமும் பிடித்தனர்.
இதனிடையே, 50 மீட்டர் ரைஃபிள் 3 பொசிஷன்ஸ் அணிகளுக்கான பிரிவில் அஞ்சும் முட்கில், தில்ரீன் கில், அவ்னிஷ் கெளர் சித்து ஆகியோர் அடங்கிய பஞ்சாப் அணி 1730 புள்ளிகளுடன் முதலிடம் பிடித்து தங்கம் கைப்பற்றியது. மகாராஷ்டிரம் 1714 புள்ளிகளுடன் வெள்ளியும், கேரளம் 1711 புள்ளிகளுடன் வெண்கலமும் வென்றன.