முதல்தர கிரிக்கெட்டில் தொடர்ச்சியாக 5 சதங்களை எடுத்துள்ள சங்கக்காரா!

தொடர்ச்சியாக 5 சதங்களை எடுத்து சாதனை செய்துள்ளார். அதிலும் கடந்த 8 நாள்களில் இது மூன்றாவது சதம். 
முதல்தர கிரிக்கெட்டில் தொடர்ச்சியாக 5 சதங்களை எடுத்துள்ள சங்கக்காரா!

39 வயது. சர்வதேச கிரிக்கெட்டில் இருந்து ஓய்வும் பெற்றாகிவிட்டது. அடுத்து வீட்டில் ஓய்வு எடுப்பதுதானே பாக்கி.

ஆனால் இலங்கையின் முன்னாள் வீரர் சங்கக்காரா என்ன செய்துள்ளார் தெரியுமா?

இங்கிலாந்து கவுண்டி கிரிக்கெட்டில் சர்ரே அணிக்காக விளையாடி வரும் சங்கக்காரா தொடர்ச்சியாக 5 சதங்களை எடுத்து சாதனை செய்துள்ளார். அதிலும் கடந்த 8 நாள்களில் இது மூன்றாவது சதம். 

இந்த கவுண்டி சீசனுடன் இங்கிலாந்து கிரிக்கெட் வாழ்க்கைக்கு முற்றுப்புள்ளி வைக்கப்போவதாகக் கூறியுள்ள சங்கக்காராவின் இந்தச் சாதனை கிரிக்கெட் ரசிகர்களை ஆச்சர்யப்படுத்தியுள்ளது. 
தொடர்ச்சியாக சதமெடுத்தவர்களின் பட்டியலில் 2-ம் இடம் பிடித்துள்ளார். சாதாரண சாதனையா இது?

முதல்தர கிரிக்கெட்டில் தொடர்ச்சியாக சதம் எடுத்தவர்கள்

6 சதங்கள்

சிபி ஃபிரை, டான் பிராட்மேன், மைக் பிராக்டர்

5 சதங்கள்

எவர்டன் வீக்ஸ், பிரெய்ன் லாரா, மைக் ஹஸ்ஸி, பார்தீவ் படேல், குமார் சங்கக்காரா.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com