டி20 தொடரிலிருந்து ஆஸி. கேப்டன் ஸ்மித் திடீர் விலகல்!

இந்தியா-ஆஸ்திரேலியா இடையிலான முதல் டி20 கிரிக்கெட் ஆட்டம் ஜார்க்கண்ட் தலைநகர் ராஞ்சியில் சனிக்கிழமை நடைபெறுகிறது...
டி20 தொடரிலிருந்து ஆஸி. கேப்டன் ஸ்மித் திடீர் விலகல்!

இந்தியா-ஆஸ்திரேலியா இடையிலான முதல் டி20 கிரிக்கெட் ஆட்டம் ஜார்க்கண்ட் தலைநகர் ராஞ்சியில் இன்று நடைபெறுகிறது.

ஆஸ்திரேலியாவுக்கு எதிரான ஒரு நாள் தொடரை 4-1 என்ற கணக்கில் கைப்பற்றிய இந்திய அணி, 3 ஆட்டங்கள் கொண்ட டி20 தொடரையும் வெல்வதில் தீவிரமாக உள்ளது. அதேநேரத்தில் ஒரு நாள் தொடரில் படுதோல்வி கண்ட ஆஸ்திரேலிய அணி, டி20 தொடரை வென்று ஆறுதல் தேடிக்கொள்ளும் முனைப்பில் களமிறங்குகிறது.

இந்நிலையில் தோள்பட்டையில் ஏற்பட்ட காயம் காரணமாக ஆஸி. கேப்டன் டி20 தொடரிலிருந்து விலகியுள்ளார். தோள்பட்டையில் வலி ஏற்பட்டதையடுத்து அவருக்கு எம்ஆர்ஐ ஸ்கேன் எடுக்கப்பட்டது. நேற்று அவர் எவ்வித பயிற்சியிலும் ஈடுபடவில்லை. இதையடுத்து காயம் காரணமாக டி20 தொடரிலிருந்து ஸ்மித் விலகியுள்ளார். 

ஸ்மித்துக்குப் பதிலாக மார்கஸ் ஸ்டோனிஸ் ஆஸி. அணியில் இடம்பெற்றுள்ளார். இன்றைய ராஞ்சி போட்டி உள்ளிட்ட டி20 தொடரில் ஆஸ்திரேலிய அணி கேப்டனாக டேவிட் வார்னர் நியமிக்கப்பட்டுள்ளார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com