அமெரிக்க ஓபன் டென்னிஸ் போட்டியில் மகளிர் ஒற்றையர் அரையிறுதிச் சுற்றில் அமெரிக்காவின் ஸ்லோனே ஸ்டீபன்ஸ் வீனஸ் வில்லியம்ஸையும் மேடிசன் கீஸ் கோகோ வான்டெவெக்கையும் வீழ்த்தி இறுதிச்சுற்றுக்கு முன்னேறியுள்ளார்கள்
இந்த ஆண்டின் கடைசி கிராண்ட்ஸ்லாம் போட்டியான இதில், மகளிர் ஒற்றையர் அரையிறுதிச் சுற்று ஒன்றில் உலகின் 9-ஆம் நிலை வீராங்கனையான வீனஸ் வில்லியம்ஸும் சகநாட்டவரான ஸ்லோனே ஸ்டீபன்ஸும் மோதினார்கள். மிகவும் பரபரப்பான முறையில் நடைபெற்ற போட்டியில் 6-1, 0-6, 7-5 என்ற செட் கணக்கில் ஸ்லோனே ஸ்டீபன்ஸ் வென்று இறுதிச்சுற்றுக்கு முன்னேறியுள்ளார்.
மற்றொரு அரையிறுதியில், அமெரிக்காவின் மேடிசன் கீஸ் மற்றும் கோகோ வான்டெவெக் ஆகியோர் மோதினார்கள். இதில் 6-1, 6-2 என்ற நேர் செட்களில் எளிதாக வென்றார் மேடிசன் கீஸ்.
அமெரிக்க ஓபன் இறுதிச்சுற்றில் மோதும் ஸ்லோனே ஸ்டீபன்ஸ், மேடிசன் கீஸ் ஆகிய இருவருக்குமே இது முதல் கிராண்ட்ஸ்லாம் இறுதிப் போட்டியாகும்.
