சர்வதேச பாட்மிண்டன் தரவரிசையில் இந்தியாவின் சமீர் வர்மா, சாய் பிரணீத் ஆகியோர் தலா ஓர் இடம் முன்னேறி முறையே 16 மற்றும் 25-ஆவது இடங்களைப் பிடித்துள்ளனர்.
கொரிய ஓபனில் இருந்து விலகிய மற்றொரு இந்திய வீரரான அஜய் ஜெயராம் ஓர் இடம் சறுக்கி 17-ஆவது இடத்தில் உள்ளார். இந்தியாவின் முன்னணி வீரரான ஸ்ரீகாந்த் 8-ஆவது இடத்தைத் தக்கவைத்துக் கொண்டார். எச்.எஸ்.பிரணாய் தொடர்ந்து 18-ஆவது இடத்தில் இருக்கிறார். மகளிர்பிரிவைப் பொறுத்தவரையில் இந்திய வீராங்கனைகள் பி.வி.சிந்து, சாய்னா நெவால் ஆகியோரின் தரவரிசையில் எந்த மாற்றமும் இல்லை. அவர்கள் இருவரும் முறையே 4 மற்றும் 12-ஆவது இடங்களில் உள்ளனர்.
மகளிர் இரட்டையர் தரவரிசையில் இந்தியாவின் அஸ்வினி பொன்னப்பா-சிக்கி ரெட்டி ஜோடி ஓர் இடத்தை இழந்து 25-ஆவது இடத்திலும், கலப்பு இரட்டையர் தரவரிசையில் இந்தியாவின் பிரணவ் சோப்ரா-சிக்கி ரெட்டி ஜோடி தொடர்ந்து 20-ஆவது இடத்திலும் உள்ளன. ஆடவர் இரட்டையர் தரவரிசையைப் பொறுத்தவரையில் முதல் 25 இடங்களில் இந்திய ஜோடிகள் இல்லை.