ஒருநாள் தொடரை வெல்லும் முனைப்பில் இந்திய மகளிர் அணி: அபார பந்துவீச்சு!

இந்தியாவுக்கு எதிரான மூன்றாவது ஒருநாள் போட்டியில் இங்கிலாந்து மகளிர் அணி முதலில் விளையாடி 9 விக்கெட் இழப்புக்கு 201 ரன்கள் எடுத்துள்ளது. 

நாகபுரியில் நடைபெற்று வரும் மூன்றாவது ஒருநாள் போட்டியில் டாஸ் வென்ற இங்கிலாந்து மகளிர் அணி பேட்டிங்கைத் தேர்வு செய்தது. எனினும் இந்திய அணியின் அபாரமான பந்துவீச்சால் ரன்கள் குவிக்க முடியாமல் திணறியது. விக்கெட் கீப்பர் ஏமி ஜோன்ஸ் மட்டும் அபாரமாக விளையாடி 119 பந்துகளில் 94 ரன்கள் எடுத்தார். கேப்டன் ஹெதர் நைட் 36 ரன்கள் எடுத்தார். இதர வீராங்கனைகள் சொற்ப ரன்களில் ஆட்டமிழந்தார்கள். இதனால் இங்கிலாந்து அணியால் 50 ஓவர்களில் 9 விக்கெட் இழப்புக்கு 201 ரன்கள் மட்டுமே எடுக்கமுடிந்தது. 

இந்திய அணியில் அனைவருமே சிறப்பாகப் பந்துவீசினார்கள். ஜுலான் கோஸ்வாமி, கயாக்வாட், தீப்தி சர்மா, பூணம் யாதவ் ஆகிய வீராங்கனைகள் தலா 2 விக்கெட்டுகளை வீழ்த்தினார்கள்.

202 ரன்கள் என்கிற எளிதான இலக்குடன் விளையாடி வரும் இந்திய அணி, 33 ஓவர்களில் 2 விக்கெட் இழப்புக்கு 132 ரன்கள் எடுத்து விளையாடி வருகிறது. மந்தனா 53 ரன்கள் குவித்து ரிடையர்ட் ஹர்ட் முறையில் வெளியேறினார்

3 போட்டிகள் கொண்ட ஒருநாள் தொடரில் இரு அணிகளும் தற்போது 1-1 என சமநிலையில் உள்ளன