இந்திய தடகள சங்கம் (ஏஏஎஃப்ஐ) இணைச் செயலாளரும், தொழில்நுட்பக் குழு தலைவருமான டோனி டேனியல் (66) மாரடைப்பால் புதன்கிழமை கொச்சியில் காலமானார்.
கேரள மாநிலம் சார்பில் பல்வேறு தடகளப் போட்டிகளில் பங்கேற்று வென்ற டேனியல் 1970-இல் மாநில ஓட்டப்பந்தய சாம்பியனாக திகழ்ந்தவர். கேரள மாநில தடகளச் சங்க செயலாளராக 8 ஆண்டுகள் செயல்பட்டவர். அண்மையில் கோவையில் நடைபெற்ற பெடரேஷன் கோப்பை ஜூனியர் தடகளப் போட்டியிலும் பங்கேற்றார்.
அவரது மறைவுக்கு ஆசிய தடகள சங்கம், இந்திய தடகள சங்கம் சார்பில் ஆழ்ந்த இரங்கல் தெரிவிக்கப்பட்டுள்ளது.