ஆசிய விளையாட்டுப் போட்டியில் ஆடவருக்கான கைப்பந்துப் போட்டியில் இந்தியா தனது தொடக்க நிலைச் சுற்றில் பஹ்ரைனிடம் 25-32 என்ற புள்ளிகள் கணக்கில் புதன்கிழமை தோற்றது. குரூப்-டி' பிரிவில் நடைபெற்ற இந்த ஆட்டத்தில் இந்தியாவுக்காக தீபக் அலாவத் 10 முயற்சிகளில் 6 முறையும், ஆதித்யா நாகராஜ் 6 முயற்சிகளில் 4 முறையும் ஸ்கோர் செய்தனர். கரம்ஜீத் சிங் 7 முயற்சிகளில் 5 முறை, ஹரேந்தர் சிங் 7 முயற்சிகளில் 4 முறை ஸ்கோர் செய்தனர். இந்த ஆட்டத்தின் முதல் பாதியில் 18-14 என்று
முன்னிலை பெற்ற பஹ்ரைன், 2-ஆவது பாதியில் 14-11 என்று முன்னேறி வெற்றி கண்டது.முன்னதாக, தொடக்க நிலைச் சுற்றின் முதல் ஆட்டத்தில் இந்தியா 18-28 என்ற கணக்கில் சீன தைபேவிடம் வீழ்ந்தது.