அமெரிக்காவின் சின்சினாட்டி மாஸ்டர்ஸ் டென்னிஸ் போட்டியில் மகளிர் பிரிவில் நடப்பு சாம்பியன் கார்பைன் முகுருஸா தோல்வியுற்று வெளியேறினார். விம்பிள்டன் சாம்பியன் ஜோகோவிச் அடுத்த சுற்றுக்கு முன்னேறினார்.
யுஎஸ் ஓபன் டென்னிஸ் போட்டிக்கு வீரர்கள், வீராங்கனைகள் தயாராகும் வகையில் சின்சினாட்டி மாஸ்டர்ஸ் டென்னிஸ் போட்டிகள் நடக்கின்றன. இதில் மகளிர் பிரிவில் முகுருஸா 2-6, 6-4, 6-4 என்ற செட் கணக்கில் லெஸியா சுரேன்கோவிடம் தோல்வியுற்று வெளியேறினார்.
யுஎஸ் ஓபன் சாம்பியன் ஸ்லோன் ஸ்டீபன்ஸ் 6-3, 6-2 என டஜனா மரியாவை வென்றார்.
ஆடவர் பிரிவில் விம்பிள்டன் சாம்பியன் ஜோகோவிச் 4-6, 6-2, 6-1 என்ற செட் கணக்கில் அட்ரியன் மன்னாரினோவை வென்று மூன்றாவது சுற்றுக்கு முன்னேறினார். ஆட்டத்தின் இடையே வயிற்று வலியால் அவதிப்பட்ட ஜோகோவிச்சுக்கு மருத்துவர் சிகிச்சை அளித்தார். பின்னர் தொடர்ந்து ஆடி வென்றார்.
மரின் சிலிச் 6-7, 6-4, 6-4 என ருமேனியாவின் மாரியஸ்காப்பிலை வென்றார். மூன்றாம் நிலை வீரர் அலெக்சாண்டர் வெரெவ் 5-7, 6-4, 7-5 என்ற செட் கணக்கில் டச்சு வீரர் ராபின் ஹேஸிடம் தோற்றார்.