மகாராஷ்டிர ஓபன் டென்னிஸ் போட்டியில் ஆடவர் ஒற்றையர் பிரிவு ஆட்டத்தில் பெலாரஸ் வீரர் ஐ. இவாஷ்காவிடம் 3-6, 3-6 என்ற நேர் செட் கணக்கில் இந்தியாவின் சுமித் நாகல் தோல்வி அடைந்தார்.
மற்றொரு ஆட்டத்தில், இந்தியாவின் யூகி பாம்ப்ரி, 6-3, 6-4 என்ற செட் கணக்கில், சகநாட்டவரான அர்ஜுன் காதேவை வீழ்த்தினார்.
முன்னதாக, செவ்வாய்க்கிழமை நடைபெற்ற மூன்றாவது சுற்று ஆட்டத்தில் இவாஷ்காவை எதிர்கொண்டார் சுமித் நாகல்.
விறுவிறுப்பாக நடைபெற்ற ஆட்டத்தில் முதல் செட்டை 6-3 என்ற கணக்கில் இவாஷ்கா கைப்பற்றினார். அதற்கு அடுத்த செட்டையும் அவர் 6-3 என்ற கணக்கில் கைப்பற்றினார்.
இதனால், நாகல் காலிறுதிக்கு முந்தைய சுற்றுக்கு முன்னேறும் வாய்ப்பை இழந்தார்.
யூகி வெற்றி: இதனிடையே, மற்றொரு ஆடவர் ஒற்றையர் பிரிவு ஆட்டத்தில் அர்ஜுன் காதேவை முதல் இரண்டு செட்களில் வீழ்த்தி காலிறுதிக்கு முந்தைய சுற்றுக்கு முன்னேறினார் யூகி பாம்ப்ரி.
புதன்கிழமை நடைபெறவுள்ள அந்த ஆட்டத்தில் பிரான்ஸ் வீரர் பி.ஹெச்.ஹெர்பெர்டை எதிர்கொள்கிறார் யூகி.