இங்கிலாந்து எதிரான 5-வது டெஸ்டில் இன்னிங்ஸ் வெற்றியடைந்துள்ள ஆஸ்திரேலிய அணி, ஆஷஸ் தொடரை 4-0 என்கிற கணக்கில் வென்றுள்ளது.
இப்போட்டியில் டாஸ் வென்று முதலில் பேட் செய்த இங்கிலாந்து 346 ரன்கள் எடுத்தது. ஜோ ரூட் 83 ரன்கள் அடித்தார். ஆஸ்திரேலியாவின் பேட்ரிக் கம்மின்ஸ் 4 விக்கெட்டுகள் வீழ்த்தினார்.
ஆஷஸ் டெஸ்ட் கிரிக்கெட் தொடரின் கடைசி போட்டியில் ஆஸ்திரேலியா தனது முதல் இன்னிங்ஸில் 193 ஓவர்களில் 7 விக்கெட் இழப்புக்கு 649 ரன்கள் குவித்து டிக்ளேர் செய்தது. முதல் இன்னிங்ஸில் 303 ரன்கள் பின்தங்கிய நிலையில் 2-ஆவது இன்னிங்ஸைத் தொடங்கிய இங்கிலாந்து 4-ஆம் நாளான ஞாயிற்றுக்கிழமை முடிவில் 46 ஓவர்களில் 4 விக்கெட் இழப்புக்கு 93 ரன்கள் எடுத்தது.
ஆஸ்திரேலியாவின் முதல் இன்னிங்ஸ் ஸ்கோரை எட்ட கடைசி நாளான இன்று இங்கிலாந்து 210 ரன்கள் எடுக்க வேண்டிய நிலையில், அணியின் வசம் 6 விக்கெட்டுகளே இருந்தன. இந்நிலையில் இன்று 180 ரன்களுக்குள் அனைத்து விக்கெட்டுகளையும் இழந்து இன்னிங்ஸ் தோல்வியை அடைந்தது. ரூட் 58 ரன்கள் எடுத்து ரிடையர்ட் ஹர்ட் முறையில் வெளியேறினார். ஆஸ்திரேலியத் தரப்பில் கம்மின்ஸ் 4 விக்கெட்டுகளும் லயன் 3 விக்கெட்டுகளும் வீழ்த்தினார்கள். இதனால் ஆஸ்திரேலிய அணி இன்னிங்ஸ் மற்றும் 123 ரன்கள் வித்தியாசத்தில் 5-வது டெஸ்டை வென்று ஆஷஸ் தொடரை 4-0 என்கிற கணக்கில் வென்றுள்ளது.
5-வது டெஸ்ட் போட்டியின் ஆட்ட நாயகனான கம்மின்ஸும் தொடர் நாயகனாக ஸ்டீவ் ஸ்மித்தும் தேர்வு செய்யப்பட்டார்கள்.