ஆஸ்திரேலிய ஓபன்: கரோலின் வோஸ்னியாக்கி முதன்முறையாக சாம்பியன்!

ஆஸ்திரேலிய ஓபன் டென்னிஸ் போட்டியில் மகளிர் ஒற்றையர் பிரிவு இறுதிச்சுற்றில் கரோலின் வோஸ்னியாக்கி வெற்றிபெற்று முதன்முறையாக சாம்பியன் பட்டத்தை வென்றார்.
ஆஸ்திரேலிய ஓபன்: கரோலின் வோஸ்னியாக்கி முதன்முறையாக சாம்பியன்!

ஆஸ்திரேலிய ஓபன் டென்னிஸ் போட்டியில் மகளிர் ஒற்றையர் பிரிவு இறுதிச்சுற்றில் ருமேனியாவின் சைமோனா ஹேலப்-டென்மார்க்கின் கரோலின் வோஸ்னியாக்கி ஆகியோர் சனிக்கிழமை பலப்பரீட்சை நடத்தினர்.

மெல்போர்ன் நகரில் நடைபெறும் இந்தப் போட்டியில் மகளிர் ஒற்றையர் பிரிவு முதல் அரையிறுதி ஆட்டத்தில் உலகின் முதல் நிலை வீராங்கனையான சைமோனாவும், போட்டித் தரவரிசையில் 21-ஆவது இடத்தில் இருந்த ஜெர்மனியின் ஏஞ்ஜெலிக் கெர்பரை 6-3, 4-6, 9-7 என்ற செட்களில் வீழ்த்தினார்.

2-ஆவது அரையிறுதி ஆட்டத்தில் உலகின் 2-ஆம் நிலை வீராங்கனையான கரோலின் வோஸ்னியாக்கி 6-3, 7-6(7-2) என்ற செட் கணக்கில் பெல்ஜியத்தின் எலிஸ் மெர்டன்ஸை வீழ்த்தினார்.

ஆஸ்திரேலிய ஓபனில் வோஸ்னியாக்கி இறுதிச்சுற்றுக்கு முன்னேறுவது இது முதல் முறையாகும். அதேவேளையில், 2014-ஆம் ஆண்டுக்குப் பிறகு கிராண்ட்ஸ்லாம் போட்டிகளில் அவர் முதல் முறையாக இறுதிச்சுற்றுக்கு முன்னேறினார்.

இந்நிலையில், சைமோனா ஹேலப்-டென்மார்க்கின் கரோலின் வோஸ்னியாக்கி ஆகியோர் கடுமையாக மோதினர். இதனால் ஆட்டம் மேலும் பரபரப்பானது. தரவரிசையில் முதல் இரு இடங்களில் உள்ள வீராங்கனைகள் என்பதால் ஆட்டத்தில் அனல் பறந்தது.

சமார் 2 மணி நேரம் 50 நிமிடங்கள் நடைபெற்ற இந்த இறுதிப் போட்டியில் கடும் சவால்களுக்கு இடையே 7-6 (7-2), 3-6, 6-4 என்ற செட் கணக்கில் டென்மார்க்கின் கரோலின் வோஸ்னியாக்கி வெற்றிபெற்று ஆஸ்திரேலிய ஓபன் மகளிர் ஒற்றையர் பிரிவு சாம்பியன் பட்டத்தை முதன்முறையாக வென்றார்.

இதன்மூலம் ஆஸ்திரேலிய ஓபன் பட்டத்தை வெல்லும் முதல் டென்மார்க் வீராங்கனை என்ற சாதனைப் படைத்தார். மேலும், மகளிர் தரவரிசையில் ருமேனியாவின் சைமோனா ஹேலப்பை பின்னுக்குத்தள்ளி முதலிடம் பிடித்தார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com