இங்கிலாந்து வீராங்கனை டேனி வியாட், திடீரென ட்விட்டர் வழியாக விராட் கோலியிடம் தன் விருப்பத்தைத் தெரிவித்தார்.
விராட் என்னைத் திருமணம் செய்துகொள்.
2014 டி20 உலகக் கோப்பைப் போட்டியின் அரையிறுதியில், தென் ஆப்பிரிக்காவுக்கு எதிராக கோலி 72 ரன்கள் எடுத்தார். இதனால் பரவசமான டேனி ட்விட்டர் வழியாகக் காதல் விண்ணப்பத்தை அளித்தார்.
அதன்பிறகு என்னை செல்போனை எடுத்துப் பார்த்தால் ஏகப்பட்ட ரீட்வீட்கள், மின்னஞ்சல்கள். இந்திய ஊடகங்கள் என்னைப் பற்றிய செய்திகள் என்று 2014-ல் நடைபெற்ற சம்பவங்களை நினைவுகூர்கிறார் டேனி.
இதன்பிறகு இங்கிலாந்துச் சுற்றுப்பயணத்தின்போது டேனியைச் சந்தித்தார் கோலி.
நீங்கள் இதுபோல ட்விட்டரில் செய்யக்கூடாது. மக்கள் அதை உண்மையென எடுத்துக்கொள்வார்கள் என்று டேனிக்கு அறிவுறுத்தியுள்ளார் கோலி. நான் அவரிடம் ஓ, அப்படியா, மன்னித்துக்கொள்ளுங்கள் என்றவாறு பதிலளித்தேன் என்கிறார் டேனி. தன்னுடைய மிகப்பெரிய ரசிகை என்பதால் டேனிக்குத் தன்னுடைய பேட்களில் ஒன்றைப் பரிசாக அளித்துள்ளார் கோலி.
இந்த மாதம் நடைபெறவுள்ள இந்தியா - இங்கிலாந்து - ஆஸ்திரேலியா ஆகிய அணிகளுக்கிடையிலான முத்தரப்பு டி20 போட்டியில் கோலி எனக்குப் பரிசாக வழங்கிய பேட்டைப் பயன்படுத்தப் போகிறேன் என்று கூறியுள்ளார் 26 வயது டேனி.
