இறுதிப்போட்டிக்கு முன்னேறுமா இந்தியா? வங்கதேசத்துடன் முதல் பேட்டிங்!

முத்தரப்பு டி20 கிரிக்கெட் தொடரின் 5-ஆவது ஆட்டம் மற்றும் தனது கடைசி லீக் ஆட்டத்தில் வங்கதேச அணியை இந்தியா புதன்கிழமை எதிர்கொள்கிறது. 
இறுதிப்போட்டிக்கு முன்னேறுமா இந்தியா? வங்கதேசத்துடன் முதல் பேட்டிங்!

முத்தரப்பு டி20 கிரிக்கெட் தொடரின் கடந்த 6-ஆம் தேதி நடைபெற்ற முதல் ஆட்டத்தில் 5 விக்கெட்டுகள் வித்தியாசத்தில் இலங்கையிடம் இந்திய அணி வீழ்ந்தது. 2-ஆவது ஆட்டத்தில் வங்கதேசத்தை 6 விக்கெட்டுகள் வித்தியாசத்தில் வீழ்த்தியது. 

இந்நிலையில், இந்தியாவுடனான ஆட்டத்தில் தோல்வியுடன் தொடங்கிய வங்கதேசம், பதிலடி கொடுக்கும் வகையில் இந்த ஆட்டத்தில் விளையாடும் என்று எதிர்பார்க்கப்படுகிறது. 

கொழும்பு நகரில் உள்ள பிரேமதாசா மைதானத்தில் நடைபெறும் இந்த ஆட்டத்தில் டாஸ் வென்ற வங்கதேச கேப்டன் முகமதுல்லா பந்துவீச்சை தேர்வு செய்தார். இதையடுத்து இந்திய அணி முதல் பேட்டிங் செய்ய களமிறங்கியது.

இரு அணி வீரர்களின் விவரம் பின்வருமாறு:

இந்தியா:

ரோஹித் ஷர்மா (கேப்டன்), ஷிகர் தவன், லோகேஷ் ராகுல், சுரேஷ் ரெய்னா, மணிஷ் பாண்டே, தினேஷ் கார்த்திக் (விக்கெட் கீப்பர்), விஜய் ஷங்கர், வாஷிங்டன் சுந்தர், ஷர்துல் தாக்கூர், முகமது சிராஜ், யசுவேந்திர சாஹல்.

வங்கதேசம்:

தமிம் இக்பால், சௌம்ய சர்கார், லிட்டன் தாஸ், முஷ்ஃபிகுர் ரஹிம் (விக்கெட் கீப்பர்), முகமதுல்லா (கேப்டன்), சப்பிர் ரஹ்மான், மெஹந்தி ஹாசன், ரூபெல் ஹுசைன், அபு ஹைதர் ரூனி, முஸ்தாஃபிஸுர் ரஹ்மான், நஸ்முல் இஸ்லாம்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com