2015 உலகக் கோப்பை போட்டிக்குப் பிறகு சிறப்பாக விளையாடி வரும் இங்கிலாந்து ஒருநாள் அணி, ஐசிசி ஒருநாள் தரவரிசையில் முதலிடத்தைப் பிடித்துள்ளது.
இதற்கு முன்பு முதலிடத்தில் இருந்த இந்திய அணி, இரண்டாம் இடத்துக்கு இறங்கியுள்ளது.
சமீபத்தில் நடைபெற்ற ஒருநாள் போட்டிகளில் ஆஸ்திரேலியாவை 4-1 என்ற கணக்கிலும் நியூஸிலாந்தை 3-2 என்ற கணக்கிலும் இங்கிலாந்து அணி தோற்கடித்தது. இதற்கு முன்பு ஜனவரி 2013-ல் இங்கிலாந்து அணி தரவரிசையில் முதலிடத்தைப் பிடித்தது.
மூன்று முதல் ஐந்தாவது இடங்களை தென் ஆப்பிரிக்கா, நியூஸிலாந்து, ஆஸ்திரேலியா ஆகிய அணிகள் பெற்றுள்ளன. 12-வது இடத்தை அயர்லாந்து அணி பிடித்துள்ளது.
டி20 தரவரிசைப் பட்டியலில் பாகிஸ்தான் அணி முதலிடத்தில் நீடிக்கிறது. இந்திய அணி மூன்றாம் இடத்தில் உள்ளது.