பிரெஞ்ச் ஓபன் டென்னிஸ் போட்டியில் செரீனா-வினஸ் வில்லியம்ஸ் சகோதரிகளுக்கு வைல்ட் கார்டு (நேரடி நுழைவு அனுமதி) வழங்கப்பட்டுள்ளது.
இரட்டையர் பிரிவில் வில்லியம்ஸ் சகோதரிகள் விளையாட நேரடி நுழைவு அனுமதி தரப்பட்டுள்ளது. இருவரும் கடந்த 1999, 2010-இல் பிரெஞ்ச் ஓபன் இரட்டையர் பிரிவில் பட்டம் வென்றுள்ளனர். இருவரும் இணைந்து இரட்டையர் பிரிவில் 14 கிராண்ட்ஸ்லாம் பட்டங்களை வென்றுள்ளனர்.
கடந்த 2017-ம் ஆண்டு கர்ப்பம் தரித்த செரீனா போட்டிகளில் பங்கேற்பதை நிறுத்தி இருந்தார். கடந்த ஆண்டு செப்டம்பர் மாதம் அவருக்கு பெண் குழந்தை பிறந்தது. இந்நிலையில் ஒற்றையர் பிரிவில் செரீனா மீண்டும் பங்கேற்க விழைந்துள்ளார்.