ஆந்திரம்-தமிழகம் இடையிலான ரஞ்சி கோப்பை ஆட்டம் ஆந்திராவின் ஓங்கோலில் நேற்று தொடங்கியது. நேற்று ஆந்திரம் 198/8 ரன்களை மட்டுமே எடுத்தது. தமிழக வேகப்பந்து வீச்சாளர் முகமது 4, சுழற்பந்து வீச்சாளர் சாய் கிஷோர் 2 விக்கெட்டுகளை வீழ்த்தினர்.
இந்நிலையில் இன்று தனது முதல் இன்னிங்ஸைத் தொடர்ந்த ஆந்திர அணி, 84.4 ஓவர்களில் 216 ரன்களுக்கு ஆட்டமிழந்தது. கிரிநாத் ரெட்டி 86 ரன்கள் எடுத்து கடைசிவரை ஆட்டமிழக்காமல் இருந்தார். முகமது 4, நடராஜன் 3, சாய் கிஷோர் 3 விக்கெட்டுகளையும் வீழ்த்தினார்கள்.
இதன்பிறகு தனது முதல் இன்னிங்ஸை விளையாடிய தமிழக அணி 2-ம் நாள் முடிவில் 50 ஓவர்களில் 3 விக்கெட் இழப்புக்கு 122 ரன்கள் எடுத்துள்ளது. அபரஜித் 27, ஜெகதீசன் 8 ரன்களுடன் களத்தில் உள்ளார்கள். தமிழக அணி, 7 விக்கெட்டுகள் மீதமுள்ள நிலையில் 94 ரன்கள் பின்தங்கியுள்ளது.