திருவனந்தபுரத்தில் நடைபெற்று வரும் 62-ஆவது தேசிய துப்பாக்கி சுடும் போட்டியில் பஞ்சாப்பின் அன்ஜும் மொட்கில் ஏர் ரைபிள் பிரிவில் 5 தங்கப் பதக்கம் வென்று சாதனை படைத்துள்ளார். அதே நேரத்தில் ஜூனியர் பிரிவில் ஹரியாணாவின் ஷிரின் கோதராவும் 5 தங்கப் பதக்கங்களை வென்று சாதனை படைத்தார்.
புணேயில் நடைபெற்று வரும் சேலஞ்சர் டென்னிஸ் போட்டியில் இந்தியாவின் முன்னணி வீரர்கள் பிரஜ்னேஷ் குணேஸ்வரன், சசிகுமார் முகுந்த்ஆகியோர் காலிறுதிக்கு தகுதி பெற்றுள்ளனர்.
ரஷிய உலகக் கோப்பை 2018-ஐ காட்டிலும் 2022 உலகக் கோப்பை கால்பந்து போட்டியை கத்தார் மிகச்சிறப்பாக நடத்த வேண்டும் சர்வதேச கால்பந்து கூட்டமைப்பு பிஃபா தலைவர் இன்பேன்டினோ எச்சரித்துள்ளார்.
ஜெர்மனியின் காட்பஸ் நகரில் வியாழக்கிழமை தொடங்கும் ஆர்டிஸ்டிக் ஜிம்னாஸ்டிக்ஸ் உலகக் கோப்பை போட்டியில் சிறப்பாக செயல்பட்ட 2020 டோக்கியோ ஒலிம்பிக் போட்டிக்கு தகுதி பெறும் முனைப்பில் உள்ளார் நட்சத்திர வீராங்கனை தீபா கர்மாகர். 4 பேர் கொண்ட அணியில் அருணா ரெட்டி, அஷிஷ் குமார், ராகேஷ் பத்ரா ஆகியோர் இடம் பெற்றுள்ளனர்.
ஆந்திரத்துக்கு எதிரான ரஞ்சி கோப்பை எலைட் பி பிரிவு ஆட்டத்தில் தமிழகம் 3 விக்கெட் இழப்புக்கு 122 ரன்களை எடுத்துள்ளது. முன்னதாக ஆந்திரம் 216 ரன்களுக்கு ஆல் அவுட்டானது.