ஐஎஸ்எல்: இடமாற்றம்

இந்தியன் சூப்பர் லீக் (ஐஎஸ்எல்) கால்பந்தாட்டப் போட்டியில், பெங்களூரு எஃப்சி அணி தனது சொந்த மண்ணில் ஆடும் ஆட்டத்தில் மாற்றம் செய்யப்பட்டுள்ளது.
முன்னதாக பெங்களூரு அணி வரும் 31-ஆம் தேதி ஸ்ரீ கண்டீவரா மைதானத்தில் அட்லெடிகோ கொல்கத்தா அணியை எதிர்கொள்வதாகவும், அதே அணியை அதன் சொந்த மண்ணில் எதிர்கொள்ள டிசம்பர் 13-ஆம் தேதி கொல்கத்தா செல்வதாகவும் இருந்தது.
இந்நிலையில், கர்நாடக அரசுக்கு கன்னட தின கொண்டாட்டத்துக்காக ஸ்ரீ கண்டீவரா மைதானம் தேவைப்பட்டதை அடுத்து, ஆட்டத் தேதியில் மாற்றம் கொண்டுவரப்பட்டுள்ளது. புதிய அட்டவணையின்படி, பெங்களூரு அணி வரும் 31-ஆம் தேதி கொல்கத்தாவில் அட்லெடிகோ கொல்கத்தாவை சந்திக்கிறது. பிறகு, டிசம்பர் 13-ஆம் தேதி தனது சொந்த மண்ணில் ஸ்ரீ கண்டீவரா மைதானத்தில் அதே அணியுடன் மோதுகிறது.