டென்னிஸ் தரவரிசை: முதலிடத்தை நெருங்குகிறார் ஜோகோவிச்

ஏடிபி டென்னிஸ் தரவரிசைப் பட்டியலில் உலகின் நம்பர் ஒன் இடத்தை நோக்கி நெருங்கி வருகிறார் நோவக் ஜோகோவிச்.
 ஷாங்காய் மாஸ்டர்ஸ் போட்டி முடிவடைந்த நிலையில் தற்போது ஏடிபி தரவரிசை பட்டியல் வெளியிடப்பட்டுள்ளது.
 ரபேல் நடால் 7660 புள்ளிகளுடன் தொடர்ந்து முதலிடத்தில் உள்ளார். ஆனால் காயத்தால் பாதிக்கப்பட்டுள்ள அவர் ஆசிய பிரிவு ஏடிபி போட்டிகளில் பங்கேற்கவில்லை.
 அதே நேரததில் ஜோகோவிச், விம்பிள்டன், யுஎஸ் ஓபன், ஷாங்காய் மாஸ்டர்ஸ் உள்பட பல்வேறு போட்டிகளில் தொடர்ந்து பட்டம் வென்று வருகிறார்.
 நடாலை காட்டிலும் 215 புள்ளிகள் மட்டுமே ஜோகோவிச் பின் தங்கி உள்ளார். இரண்டாம் இடத்தில் ஜோகோவிச் (7445) புளளிகளுடன் உள்ளார்.
 3. பெடரர் (6260), 4. டெல் பொட்ரோ (5860), 5. அலெக்சாண்டர் வெரேவ் (5025), 6. மரின் சிலிக் (4185), 7. டொமினிக் தீம் (3825), 8. கெவின் ஆண்டர்சன் (3775), 9. டிமிட்ரோவ் (3440), 10. ஜான் ஐஸ்நர் (3290).
 டபிள்யுடிஏ தரவரிசை: சிமோனா முதலிடம்
 மகளிர் டென்னிஸ் தரவரிசையில் தொடர்ந்து இரண்டாவது ஆண்டாக சிமோனா ஹலேப் 7421 புள்ளிகளுடன் முதலிடத்தில் உள்ளார்.
 2. கரோலின் வோஸ்னியாக்கி (6461), 3. ஏஞ்சலீக் கெர்பர் (5400), 4. நவோமி ஒஸாகா (4740), 5. கரோலினா பிளிஸ்கோவா (4465), 6. விட்டோலினா (4350). 7. பெட்ரா விட்டோவா (4255), 8. ஸ்லோன் ஸ்டீபன்ஸ் (4022), 9. ஜூலியா ஜார்ஜஸ் (3785), 10. கிகி பெர்டன்ஸ் (3740).
 தொடர்ந்து 40 வாரங்களாக சிமோனா ஹலேப் முதலிடத்தில் உள்ளார். இந்த சீசனை முதலிடத்துடன் நிறைவு செய்வது மிக்க பெருமையாக உள்ளது என்றார்.