இந்தியாவுக்கு எதிரான 5-ஆவது மற்றும் கடைசி ஒருநாள் கிரிக்கெட் ஆட்டத்தில் ஆஸ்திரேலியா 35 ரன்கள் வித்தியாசத்தில் வென்றது. இதையடுத்து 5 ஆட்டங்கள் கொண்ட ஒருநாள் தொடரை அந்த அணி 3-2 என்ற கணக்கில் கைப்பற்றியது. தில்லியில் உள்ள ஃபெரோஸ் ஷா கோட்லா மைதானத்தில் புதன்கிழமை நடைபெற்ற ஆட்டத்தில் முதலில் பேட் செய்த ஆஸ்திரேலியா 50 ஓவர்களில் 9 விக்கெட் இழப்புக்கு 272 ரன்கள் அடித்தது. அடுத்து ஆடிய இந்தியா 50 ஓவர்களில் அனைத்து விக்கெட் இழப்புக்கு 237 ரன்களுக்கு வீழ்ந்தது.
ஆஸ்திரேலிய அணியில் அதிகபட்சமாக உஸ்மான் காஜா 100 ரன்கள் விளாசினார். இந்தியத் தரப்பில் புவனேஷ்வர் குமார் 3 விக்கெட்டுகள் வீழ்த்தினார். இந்திய இன்னிங்ஸில் ரோஹித் சர்மா அதிகபட்சமாக 56 ரன்கள் எடுத்தார். ஆஸ்திரேலிய பந்துவீச்சாளர்களில் ஆடம் ஸம்பா 3 விக்கெட்டுகள் சாய்த்திருந்தார்.
அதிக ரன்கள் எடுத்த வீரர்களின் பட்டியலில் தொடர் நாயகன் உஸ்மான் கவாஜா முதல் இடத்திலும் அதிக விக்கெட்டுகள் எடுத்த வீரர்களின் பட்டியலில் கம்மின்ஸ் முதலிடத்திலும் உள்ளார்கள்.
அதிக ரன்கள்
எண் | பெயர் | ஆட்டங்கள் | ரன்கள் | சதங்கள் | அரை சதங்கள் | சிக்ஸர் |
1. | உஸ்மான் கவாஜா (ஆஸ்திரேலியா) | 5 | 383 | 2 | 2 | 4 |
2. | விராட் கோலி (இந்தியா) | 5 | 310 | 2 | 0 | 2 |
3. | ஹேண்ட்ஸ்காம்ப் (ஆஸ்திரேலியா) | 5 | 236 | 1 | 1 | 3 |
4. | ரோஹித் சர்மா (இந்தியா) | 5 | 202 | 0 | 2 | 3 |
5. | ஷிகர் தவன் (இந்தியா) | 5 | 177 | 1 | 0 | 3 |
அதிக விக்கெட்டுகள்
எண் | பெயர் | ஆட்டங்கள் | விக்கெட்டுகள் | சிறந்த பந்துவீச்சு | எகானமி |
1. | கம்மின்ஸ் (ஆஸ்திரேலியா) | 5 | 14 | 5/70 | 4.64 |
2. | ஸாம்பா (ஆஸ்திரேலியா) | 5 | 11 | 3/46 | 5.68 |
3. | குல்தீப் யாதவ் (இந்தியா) | 5 | 10 | 3/54 | 6.04 |
4. | ஜை ரிச்சர்ட்சன் (ஆஸ்திரேலியா) | 3 | 8 | 3/37 | 6.03 |
5. | பும்ரா (இந்தியா) | 5 | 7 | 3/63 | 4.99 |